കാസർകോട്: വീട്ടമ്മ തീവണ്ടി തട്ടി മരിച്ച നിലയിൽ. കാഞ്ഞങ്ങാട് സൗത്ത് കൊവ്വൽ സ്റ്റോറിലെ കണ്ടത്തിൽ കുഞ്ഞിക്കണ്ണന്റെ ഭാര്യ ലക്ഷ്‌മി (65) ആണ് മരിച്ചത്. ഇന്ന് പുലർച്ചെ ഒന്നര മണിയോടെ കാസർകോട് ഭാഗത്ത് പോകുകയായിരുന്ന തീവണ്ടിയുടെ എൻജിനാണ് തട്ടിയത്. തീവണ്ടിയുടെ ലോക്കോ പൈലറ്റ് വിവരം കാസർകോട് റെയിൽ സ്റ്റേഷനിൽ അറിയിക്കുകയായിരുന്നു. ഇവിടെ നിന്ന് വിവരമറിച്ചതിനെ തുടർന്ന് കാഞ്ഞങ്ങാട് പൊലീസ് ഉദ്യോഗസ്ഥർ കുശാൽനഗർ മുതൽ സൗത്ത് വരെ റെയിൽപാളത്തിലൂടെ നടന്ന് വന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. പാളത്തിന് സമീപത്തെ വീടുകളിൽ വിവരമറിഞ്ഞതിന്നെ തുടർന്നാണ് മരിച്ചയാളെ തിരിച്ചെറിഞ്ഞത്.
