മഴ: ദേശീയപാത സര്വ്വീസ് റോഡുകളില് ഗതാഗതം പ്രതിസന്ധിയില്; പലേടത്തും മണ്ണിടിച്ചില്, വെള്ളം കയറിയും വാഹനങ്ങള് റോഡില് താഴ്ന്നും അപകടം
കാസര്കോട്: കനത്ത മഴ അനുഭവപ്പെട്ടതോടെ കാസര്കോട് ജില്ലയില് ദേശീയപാതയുടെ സര്വ്വീസ് റോഡുകള് അപകടമേഖലയായി മാറിക്കൊണ്ടിരിക്കുന്നു. റോഡുകള് ഇടിഞ്ഞും വാഹനങ്ങള് മണ്ണില് താഴ്ന്നും മഴവെള്ളം കെട്ടിനിന്നും ദേശീയപാതയിലെ സര്വ്വീസ് റോഡുകള് വഴിയുള്ള ഗതാഗതം മിക്ക ഭാഗങ്ങളിലും തടസ്സപ്പെട്ടു. ബൈക്കുകളും മറ്റും ഓടിച്ചു പോകാമെങ്കിലും വലിയ വാഹനങ്ങളുടെ ഗതാഗതം തടസ്സപ്പെട്ടിരിക്കുകയാണ്. തിങ്കളാഴ്ച രാത്രിയിലും ചൊവ്വാഴ്ച രാവിലെയുമുണ്ടായ മഴയില് മാവുങ്കാല് സര്വ്വീസ് റോഡ് ഇടിഞ്ഞു ഗതാഗതം സ്തംഭിച്ചു. ചെറിയ വാഹനങ്ങള് കഷ്ടിച്ചു കടന്നു പോവുന്നുണ്ടെങ്കിലും വലിയ വാഹനങ്ങളുടെ ഗതാഗതം തടസ്സപ്പെട്ടു. ചെമ്മട്ടംവയലില് …
