കുമ്പളയില്‍ മൂന്ന് പിടികിട്ടാപ്പുള്ളികള്‍ അറസ്റ്റില്‍; പിടിയിലായത് തളങ്കര, പെര്‍വാഡ്, ധര്‍മ്മത്തടുക്ക സ്വദേശികള്‍
കാസര്‍കോട്: പിടികിട്ടാപ്പുള്ളികളായ മൂന്നു പേരെ കുമ്പള പൊലീസ് ഇന്‍സ്‌പെക്ടര്‍ കെ.പി വിനോദ് കുമാര്‍, എസ്.ഐ കെ. ശ്രീജേഷ് എന്നിവരുടെ നേതൃത്വത്തില്‍ അറസ്റ്റു ചെയ്തു.കുമ്പള, പെര്‍വാഡ് കടപ്പുറത്തെ മുഹമ്മദലി, തളങ്കരയിലെ അച്ചു എന്ന അബ്ദുല്‍ ഹാരിഫ്, ധര്‍മ്മത്തടുക്കയിലെ മുഹമ്മദ് അഷ്‌റഫ് എന്നിവരാണ് അറസ്റ്റിലായത്. അച്ചുവിനെതിരെ നരഹത്യാശ്രമത്തിനും മുഹമ്മദലി അടിപിടിക്കേസിലും മുഹമ്മദ് അഷ്‌റഫ് ചെക്ക് കേസിലും പ്രതിയാണെന്നു പൊലീസ് പറഞ്ഞു. പൊലീസ് സംഘത്തില്‍ വിനോദ്, മഹേഷ്, വിപിന്‍ ചന്ദ്രന്‍, ശരത്, പ്രശാന്ത് എന്നിവരും ഉണ്ടായിരുന്നു.
