WEB EDITOR, Author at Karaval Daily : Page 111 of 304

പകുതി വില തട്ടിപ്പ്; കോണ്‍ഗ്രസ് നേതാവ് ഷീബ സുരേഷിന്റെ വീട് ഇഡി സീല്‍ ചെയ്തു

by WEB EDITORState Thursday, 20 February 2025, 16:42Thursday, 20 February 2025, 16:45No Comments

ഇടുക്കി: പകുതി വില തട്ടിപ്പ് കേസില്‍ കോണ്‍ഗ്രസ് നേതാവ് ഷീബ സുരേഷിന്റെ കുമളിയിലെ വീട് എന്‍ഫോഴ്‌സ്‌മെന്റ് ഡയറക്ടറേറ്റ് സീല്‍ ചെയ്തു. ഷീബ വിദേശത്തായതിനാലാണ് കുമളിയിലെ വീട് ഇ ഡി സീല്‍ ചെയ്തത്. കുമളി മുന്‍ പഞ്ചായത്ത് പ്രസിഡന്റും മഹിള കോണ്‍ഗ്രസ് ഇടുക്കി ജില്ലാ സെക്രട്ടറിയുമാണ് ഷീബ സുരേഷ്. തട്ടിപ്പില്‍ ഇ ഡി സ്വമേധയാ കേസ് എടുത്തിട്ടുണ്ട്.ഷീബ നിരവധി പേരെ പദ്ധതിയില്‍ ചേര്‍ത്തുവെന്നാണ് വിവരം. തട്ടിപ്പ് പുറത്തറിഞ്ഞതോടെ ഷീബാ സുരേഷ് വിദേശത്തേക്ക് കടന്നിരുന്നു. തിരുവനന്തപുരം അടക്കമുള്ള ജില്ലകളുടെ ചുമതല …

വിവാഹം കഴിഞ്ഞാല്‍ മൂന്ന് നാള്‍ മലമൂത്ര വിസര്‍ജനം പാടില്ല; വിചിത്രമായ വിവാഹ ആചാരവുമായി ഒരു സമൂഹം

by WEB EDITORInternational Thursday, 20 February 2025, 16:08Thursday, 20 February 2025, 16:08No Comments

വിവാഹവുമായി ബന്ധപ്പെട്ട് വ്യത്യസ്തമായ നിരവധി ആചാരങ്ങളാണ് ലോകത്തിന്റെ വിവിധ ഭാഗങ്ങളിലായി നടത്തിവരുന്നത്. ആദിവാസി ഗ്രോത്ര വിഭാഗത്തിലുള്ളവരിലാണ് പലതരത്തിലുള്ള ആചാരം ഇന്നും നിലനില്‍ക്കുന്നത്. ഏറെയും പാരമ്പര്യത്തിനും ആചാരത്തിനും പ്രാധാന്യം നല്‍കി കൊണ്ടുള്ളവയായിരിക്കും. അത്തരത്തില്‍ ഒരു വിചിത്രമായ ആചാരമാണ് ഇന്‍ഡോനേഷ്യയിലെ ‘ടിഡോങ്ങ്’ എന്ന ഗോത്ര വിഭാഗം ആചരിക്കുന്നത്. വിവാഹ ശേഷം നവ ദമ്പതികള്‍ മൂന്ന് ദിവസങ്ങളോളം മുറിയില്‍ അടച്ചിരിക്കണം. ശുചിമിറിയില്‍ പോകാനും അവരെ അനുവദിക്കാറില്ല.ദാമ്പത്യ ബന്ധത്തിന്റെ പവിത്രത സംരക്ഷിക്കുന്നതിന്റെ ഭാഗമായാണ് ഈ ഗോത്ര സമൂഹം ഇത്തരത്തില്‍ ഒരു ആചാരം നടത്തിവരുന്നത്. …

വയനാട്ടിലെ കുടുംബ കോടതിയില്‍ ബോംബ് ഭീഷണി

by WEB EDITORState Thursday, 20 February 2025, 15:48Thursday, 20 February 2025, 15:53No Comments

കല്‍പ്പറ്റ: വയനാട് കല്‍പ്പറ്റയില്‍ കുടുംബ കോടതിയില്‍ ബോംബ് ഭീഷണി. ഇ-മെയില്‍ വഴിയാണ് ഭീഷണി സന്ദേശം ലഭിച്ചത്. ഉടന്‍ പൊലീസിലും ബോംബ് സ്‌ക്വാഡിലും വിവരമറിയിച്ചു. പൊലീസും ബോംബ് സ്‌ക്വാഡും സ്ഥലത്ത് ഒരു മണിക്കൂറോളം പരിശോധന നടത്തിയെങ്കിലും അസ്വാഭാവികമായ ഒന്നും കണ്ടെത്താനായില്ല. ഡോഗ് സ്‌ക്വാഡും സ്ഥലത്തെത്തിയിട്ടുണ്ട്. ആദ്യ രണ്ട് വരി ഇംഗ്ലീഷിലും ബാക്കി തമിഴിലുമായാണ് ഭീഷണി സന്ദേശം. നേരത്തെ സമാനമായ രീതിയില്‍ പൂക്കാട് വെറ്ററിനറി കോളേജില്‍ ബോംബ് ഭീഷണിയെന്ന് വ്യാജ സന്ദേശമെത്തിയിരുന്നു.

വോര്‍ക്കാടിയില്‍ കാണാതായ ഗൃഹനാഥന്റെ മൃതദേഹം കുളത്തില്‍

by WEB EDITORLocal News Thursday, 20 February 2025, 14:49Thursday, 20 February 2025, 14:49No Comments

കാസര്‍കോട്: വോര്‍ക്കാടിയില്‍ നിന്ന് രണ്ടുദിവസം മുമ്പ് കാണാതായ ഗൃഹനാഥനെ കുളത്തില്‍ മരിച്ച നിലയില്‍ കണ്ടെത്തി. വോര്‍ക്കാടി നവെഡ്ര വയല്‍ സ്വദേശി സേവ്യര്‍ ഡിസൂസ(65) ആണ് മരിച്ചത്. വീടിന് 200 മീറ്റര്‍ അകലെ ബന്ധുവിന്റെ തോട്ടത്തിലെ കുളത്തിലാണ് വ്യാഴാഴ്ച ഉച്ചയോടെ മൃതദേഹം കണ്ടെത്തിയത്. കഴിഞ്ഞ ചൊവ്വാഴ്ച രാത്രി ഭക്ഷണം കഴിച്ച് വീടിന് പുറത്തുപോയിരുന്നു. രാത്രി വൈകിയിട്ടും തിരിച്ചെത്താതിനെ തുടര്‍ന്ന് വീട്ടുകാര്‍ പരിസരങ്ങളിലും ബന്ധുവീടുകളിലും അന്വേഷണം നടത്തിയിരുന്നു. ബുധനാഴ്ച രാവിലെ മകന്‍ ചേതന്‍ നവീല്‍ ഡിസൂസ പിതാവിനെ കാണാനില്ലെന്ന് കാട്ടി …

നാട്ടിലേക്ക് വരാന്‍ നീങ്ങിത്തുടങ്ങിയ ട്രെയിനില്‍ ഓടി കയറാന്‍ ശ്രമം; മലയാളിയായ സ്‌റ്റേഷന്‍ മാസ്റ്റര്‍ക്ക് ദാരുണാന്ത്യം

by WEB EDITORNational Thursday, 20 February 2025, 14:03Thursday, 20 February 2025, 16:25No Comments

ചെന്നൈ: ട്രെയിനിനടിയില്‍ പെട്ട് മലയാളി സ്റ്റേഷന്‍ മാസ്റ്റര്‍ക്ക് ദാരുണാന്ത്യം. തിരുവനന്തപുരം കീഴാരൂര്‍ സ്വദേശി അനുശേഖര്‍ (31) ആണ് മരിച്ചത്. മധുര കല്ലിഗുഡി സ്റ്റേഷനിലെ സ്റ്റേഷന്‍ മാസ്റ്ററായിരുന്നു. വ്യാഴാഴ്ച രാവിലെ ചെങ്കോട്ട-ഈറോഡ് ട്രെയിനില്‍ ഓടിക്കയറാന്‍ ശ്രമിക്കുമ്പോഴാണ് അപകടം. കാല്‍വഴുതി ട്രെയിനിന് അടിയിലേക്ക് വീഴുകയായിരുന്നു. സ്റ്റേഷനിലുള്ളവര്‍ രക്ഷിക്കാന്‍ ശ്രമിച്ചെങ്കിലും സംഭവ സ്ഥലത്തുവെച്ചുതന്നെ അനുശേഖര്‍ മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്കു വിട്ടുനല്‍കും.

അസുഖത്തെ തുടര്‍ന്ന് ചികില്‍സയിലായിരുന്ന മാവിനക്കട്ടയിലെ 18 കാരന്‍ മരിച്ചു

by WEB EDITORLocal News Thursday, 20 February 2025, 13:23Saturday, 22 February 2025, 8:45No Comments

കാസര്‍കോട്: അസുഖത്തെ തുടര്‍ന്ന് മാസങ്ങളായി ചികില്‍സയിലായിരുന്ന കുമ്പള മാവിനക്കട്ടയിലെ 18 കാരന്‍ മരിച്ചു. മാവിനക്കട്ട റഹ്‌മാന്‍ മസ്ജിദിന് സമീപം താമസിക്കുന്ന ആദം അനസ്(18) ആണ് മരിച്ചത്. കോഴിക്കോട്ടെ സ്വകാര്യ ആശുപത്രിയില്‍ ചികില്‍സയിലിരിക്കെ വ്യാഴാഴ്ച ഉച്ചയോടെയാണ് മരണം സംഭവിച്ചത്. മൃതദേഹം വൈകീട്ട് നാട്ടിലെത്തിക്കും. മാവിനക്കട്ട റഹ്‌മാന്‍ മസ്ജിദ് അങ്കണത്തില്‍ ഖബറടക്കും. അബ്ദുല്ല സകലേശ്പുരയുടെയും മിസിരിയയുടെയും മകനാണ്. അര്‍ഷാദ്, അഫ്‌സല്‍, അഷ്ഫാന എന്നിവര്‍ സഹോദരങ്ങളാണ്.

ഡല്‍ഹി ഭരിക്കാന്‍ രേഖ ഗുപ്ത; മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു; ചടങ്ങില്‍ മോദിയടക്കം നേതാക്കള്‍

by WEB EDITORNational Thursday, 20 February 2025, 13:00Thursday, 20 February 2025, 13:06No Comments

ന്യൂഡല്‍ഹി: ഡല്‍ഹി മുഖ്യമന്ത്രിയായി രേഖ ഗുപ്ത സത്യപ്രതിജ്ഞ ചെയ്ത് അധികാരമേറ്റു. രാംലീല മൈതാനിയില്‍ തയ്യാറാക്കിയ സത്യപ്രതിജ്ഞാ വേദിയില്‍ ലെഫ്. ഗവര്‍ണര്‍ വി കെ സക്‌സേന സത്യവാചകം ചെല്ലിക്കൊടുത്തു. പര്‍വേഷ് വര്‍മ ഉപമുഖ്യമന്ത്രിയായും സത്യപ്രതിജ്ഞ ചെയ്തു. ആശിഷ് സൂദ്, പങ്കജ് സിങ്, മഞ്ജീന്ദര്‍ സിങ് സിര്‍സ, കപില്‍ മിശ്ര, രവീന്ദ്ര ഇന്ദാര്‍ജ് സിങ് എന്നിവരും രേഖയ്ക്കൊപ്പം സത്യപ്രതിജ്ഞ ചെയ്തു. പ്രധാനമന്ത്രി നരേന്ദ്ര മോദി, കേന്ദ്ര മന്ത്രിമാരായ അമിത് ഷാ, പ്രതിരോധ മന്ത്രി രാജ്നാഥ് സിങ്, ജെ പി നദ്ദ, …

കുംഭമേള; സ്ത്രീകള്‍ സ്‌നാനം ചെയ്യുന്നതും വസ്ത്രം മാറുന്നതുമായ ദൃശ്യം പ്രചരിപ്പിച്ചു; സോഷ്യല്‍ മീഡിയ അക്കൗണ്ടുകള്‍ക്കെതിരെ കേസ്

by WEB EDITORNational Thursday, 20 February 2025, 12:25Thursday, 20 February 2025, 12:28No Comments

പ്രയാഗ്‌രാജ്; മഹാകുംഭമേളയില്‍ എത്തിയ സ്ത്രീകളുടെ ദൃശ്യങ്ങള്‍ മോശമായി ചിത്രീകരിച്ച സോഷ്യല്‍ മീഡിയ അക്കൗണ്ടുകള്‍ക്കെതിരെ നടപടി തുടങ്ങി. സ്ത്രീകള്‍ സ്നാനം ചെയ്യുന്നത് അടക്കമുള്ള ദൃശ്യങ്ങള്‍ സോഷ്യല്‍ മീഡിയയിലൂടെ പ്രചരിച്ച അക്കൗണ്ടുകള്‍ക്കെതിരെ കേസെടുത്തു. മേളയുമായി ബന്ധപ്പെട്ട് തെറ്റിദ്ധരിപ്പിക്കുന്നതും കുറ്റകരവുമായ സാമൂഹ്യമാധ്യമ കണ്ടെന്റുകള്‍ പ്രചരിപ്പിക്കുന്നവര്‍ക്കെതിരെ നടപടി സ്വീകരിക്കുന്നതിന്റെ ഭാഗമായാണ് നീക്കം. ഉത്തര്‍പ്രദേശ് പൊലീസ് മേധാവി പ്രശാന്ത് കുമാറിന്റെ നേതൃത്വത്തിലാണ് നടപടി. സ്ത്രീകള്‍ സ്നാനം ചെയ്യുന്നതും വസ്ത്രം മാറുന്നതുമായ ദൃശ്യങ്ങള്‍ ചില പ്ലാറ്റ്ഫോമുകള്‍ അപ്ലോഡ് ചെയ്തിട്ടുണ്ടെന്ന് സോഷ്യല്‍ മീഡിയ മോണിറ്ററിംഗ് ടീം കണ്ടെത്തി. …

വീട്ടുകാര്‍ക്ക് പാചക വാതക സിലിണ്ടറുകള്‍ വേണ്ടവിധം ലഭിക്കുന്നില്ല; പകരം ഹോട്ടലുകള്‍ക്ക് അനധികൃതമായി വില്‍പന നടത്തുന്നുവെന്നാരോപണം

by WEB EDITORLocal News Thursday, 20 February 2025, 12:01Thursday, 20 February 2025, 12:01No Comments

കാസര്‍കോട്: ഗാര്‍ഹിക ഉപയോഗ വാതക സിലിണ്ടറുകള്‍ അനധികൃതമായി ഹോട്ടലുകള്‍ക്കും തട്ടുകടകള്‍ക്കും നല്‍കുന്നതായി ആരോപണം. വീട്ടുകാര്‍ ഏജന്‍സിയെ സമീപിക്കുമ്പോള്‍ പലകാരണങ്ങള്‍ പറഞ്ഞ് മടക്കി അയക്കുന്നതായും പരാതി ഉയര്‍ന്നു. കാസര്‍കോട്, കുമ്പള മേഖലയിലാണ് വീട്ടുകാരെ വലയ്ക്കുന്ന നടപടിയുമായി ഗ്യാസ് ഏജന്‍സികള്‍ മുന്നോട്ട് പോകുന്നത്. ഹോട്ടലുകളിലേക്കും തട്ടുകടകളിലേക്കും ഏജന്‍സികള്‍ ഗാര്‍ഹിക ആവശ്യത്തിനായുള്ള ഗ്യാസ് സിലിണ്ടറുകള്‍ നൂറും ഇരുന്നൂറും രൂപ അധികം ഈടാക്കി കരിഞ്ചന്തയില്‍ വില്‍പ്പന നടത്തുന്നുന്നുവെന്നാണ് ഉപഭോക്താക്കളുടെ പരാതി. അവര്‍ക്ക് ബുക്കിങ് പോലും വേണ്ടെന്നാണ് സംസാരം. ഏജന്‍സികള്‍ക്ക് കീഴില്‍ ഒരു പ്രത്യേക …

രാവിലെ പ്രര്‍ഥന നടത്താന്‍ പൂമൊട്ടുകള്‍ ശേഖരിച്ചുവച്ചു, രാത്രി കോഴിക്കറിയും കൂട്ടി അത്താഴം കഴിച്ചു, രാവിലെ ഉണര്‍ന്നപ്പോള്‍ വീട്ടുകാര്‍ കണ്ടത് ഞെട്ടിപ്പിക്കുന്ന കാഴ്ച, ഏഴാംക്ലാസ് വിദ്യാര്‍ഥി തൂങ്ങിമരിച്ച നിലയില്‍

by WEB EDITORNational Thursday, 20 February 2025, 11:31Thursday, 20 February 2025, 11:31No Comments

ഏഴാംക്ലാസ് വിദ്യാര്‍ഥിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. ബെല്‍ത്തങ്ങാടി തണ്ണീരുപന്ത സ്വദേശി ദൊംബയ്യ ഗൗഡയുടെ മകന്‍ ശ്രാവണ്‍(13) ആണ് മരിച്ചത്. ഉപ്പിനങ്ങാടിയിലെ ഒരു സ്വകാര്യ സ്‌കൂളിലെ ഏഴാം ക്ലാസ് വിദ്യാര്‍ത്ഥിയായിരുന്നു. ചൊവ്വാഴ്ച രാത്രി ശ്രാവണ്‍ മാതാവിനൊടൊപ്പം അത്താഴം കഴിച്ചിരുന്നു. അമ്മായി തയ്യാറാക്കിയ ചിക്കന്‍ കറിയും അത്താഴത്തിനുണ്ടായിരുന്നു. പ്രഭാത പ്രാര്‍ത്ഥനയ്ക്കായി പൂമൊട്ടുകള്‍ ശേഖരിച്ചിരുന്നുവെന്നും പറയപ്പെടുന്നു. മാതാവ് ഉറങ്ങിയ ശേഷം കിടന്ന മുറിയുടെ സീലിങ് ഫാനില്‍ കയര്‍ കെട്ടി തൂങ്ങിമരിച്ച നിലയിലാണ് വീട്ടുകാര്‍ രാവിലെ കണ്ടത്. ആത്മഹത്യ ചെയ്യാനുള്ള ഒരു …

അസുഖം മൂലം ചികില്‍സയിലായിരുന്ന തച്ചര്‍കുണ്ടിലെ ഒന്‍പതാംതരം വിദ്യാര്‍ഥിനി മരിച്ചു

by WEB EDITORLocal News Thursday, 20 February 2025, 10:53Thursday, 20 February 2025, 10:55No Comments

കാസര്‍കോട്: അസുഖം മൂലം ചികില്‍സയിലായിരുന്ന ഒന്‍പതാംതരം വിദ്യാര്‍ഥിനി മരിച്ചു. ബേത്തൂര്‍പാറ തച്ചര്‍കുണ്ടിലെ ലോഹിദാക്ഷന്റെയും എം സ്മിതയുടെയും മകള്‍ എം അതുല്യ(14) ആണ് മരിച്ചത്. അസുഖത്തെ തുടര്‍ന്ന് മംഗളൂരുവിലെ ആശുപത്രിയില്‍ ചികില്‍സയിലിരിക്കെ ബുധനാഴ്ചയാണ് മരിച്ചത്. പെരിയ ജവഹര്‍ നവേദയ വിദ്യാലയത്തിലെ വിദ്യാര്‍ഥിനിയായിരുന്നു. സഹോദരി അഹല്യ(എംബിഎംഎസ് വിദ്യാര്‍ഥി). സംസ്‌കാരം വ്യാഴാഴ്ച വീട്ടുവളപ്പില്‍.

ഡിജിറ്റൽ സർവെ: കാസർകോട് ജില്ലാ കലക്ടർ കെ. ഇമ്പശേഖരനു വീണ്ടും സംസ്ഥാന പുരസ്കാരം

by WEB EDITORState Thursday, 20 February 2025, 8:02Thursday, 20 February 2025, 8:02No Comments

കാസർകോട്: ഡിജിറ്റൽ സർവേ പ്രവർത്തനങ്ങൾക്കുള്ള മികച്ച ജില്ലാ കലക്ടർക്കുള്ള സംസ്ഥാന പുരസ്കാരത്തിന് കാസർകോട് ജില്ലാ കലക്ടർ കെ ഇമ്പശേഖർ അർഹനായി. ജില്ലയിൽ ഡിജിറ്റൽ സർവേ പ്രവർത്തനങ്ങൾ ഏകോപിക്കുകയും മികച്ച രീതിയിൽ സംഘടിപ്പിക്കുകയും ചെയ്തതിനാണ് അവാർഡെന്ന് റവന്യൂ സർവേയും ഭൂരേഖയും വകുപ്പ് മന്ത്രി കെ രാജൻ അറിയിച്ചു. ഡിജിറ്റൽ സർവ്വേ പ്രവർത്തനങ്ങൾ മികച്ച രീതിയിൽ സംഘടിപ്പിക്കുന്നതിന് പ്രത്യേക അദാലത്തുകൾ വില്ലേജ് തലത്തിൽ ജില്ലാ കളക്ടർ സംഘടിപ്പിച്ചിരുന്നു. സംസ്ഥാനത്ത് ആദ്യമായി ഡിജിറ്റൽ സർവ്വേ സമ്പൂർണ്ണമായി പൂർത്തിയാക്കിയ ഉജാർ ഉൾവാർ വില്ലേജ്, …

ഫ്രാൻസിസ് മാർപാപ്പയുടെ ആരോഗ്യനിലയിൽ നേരിയ പുരോഗതി, കടുത്ത ന്യുമോണിയ ബാധിച്ചു

by WEB EDITORInternational Thursday, 20 February 2025, 7:00Thursday, 20 February 2025, 7:00No Comments

വത്തിക്കാൻ: കടുത്ത ന്യുമോണിയ ബാധിച്ചിട്ടിണ്ടെങ്കിലും ഫ്രാൻസിസ് മാർപാപ്പയുടെ ആരോഗ്യനിലയിൽ നേരിയ പുരോഗതി ഉണ്ടെന്ന് ആശുപത്രി അധികൃതർ. ന്യുമോണിയ ബാധിച്ചിട്ടുണ്ടെങ്കിലും മാർപാപ്പ തനിയെ എഴുന്നേറ്റിരുന്നു പ്രഭാതഭക്ഷണം കഴിച്ചതായി വത്തിക്കാൻ അറിയിച്ചു. യന്ത്രസഹായമില്ലാതെ ശ്വസിക്കുകയും രാത്രി നന്നായി ഉറങ്ങുകയും ചെയ്തു. രണ്ടു ശ്വാസകോശങ്ങളിലുമ കടുത്ത ന്യുമോണിയ ബാധിച്ച പോപ്പിന് ആന്റിബയോട്ടിക് ചികിത്സ തുടരുകയാണെന്ന് ഡോക്ടർമാർ അറിയിച്ചു. ശ്വാസകോശ അണുബാധയ്ക്കും ചികിത്സയ്ക്കും പരിശോധനകൾക്കുമായി 5 ദിവസമായി ആശുപത്രിയിൽ തുടരുകയാണ് 88 വയസ്സുള്ള മാർപാപ്പ. അദ്ദേഹത്തിന് ശ്വാസകോശത്തിൽ കടുത്ത അണുബാധ ഉണ്ടെന്നും ചികിത്സയിൽ …

ജിമ്മിൽ വ്യായാമം ചെയ്യുന്നതിനിടെ കുഴഞ്ഞുവീണ 20 കാരൻ മരിച്ചു

by WEB EDITORState Thursday, 20 February 2025, 6:39Thursday, 20 February 2025, 6:39No Comments

ബത്തേരി: അമ്പലവയലിലെ ജിമ്മിൽ വ്യായാമം ചെയ്യുന്നതിനിടെ യുവാവ് കുഴഞ്ഞുവീണു മരിച്ചു. കുപ്പക്കൊല്ലി സ്വദേശി സൽമാനാണ് (20) വ്യായാമം ചെയ്യുന്നതിനിടെ കുഴഞ്ഞുവീണത്. തിങ്കളാഴ്ച രാത്രിയിലാണ് കുഴഞ്ഞുവീണത്. സൽമാനെ ഉടൻ ആശുപത്രിയിൽ എത്തിച്ചിരുന്നു. പിന്നീട് കോഴിക്കോട്ടെ ഒരു സ്വകാര്യ ആശുപത്രിയിലേക്ക് മാറ്റി, അവിടെ അദ്ദേഹം വെന്റിലേറ്ററിന്റെ സഹായത്തോടെയായിരുന്നു.ബുധനാഴ്ച രാവിലെ അദ്ദേഹം മരിച്ചു എന്ന് ആശുപത്രി വൃത്തങ്ങൾ അറിയിച്ചു. തലച്ചോറിലെ ആന്തരിക രക്തസ്രാവമാണ് മരണകാരണമെന്നാണ് റിപ്പോർട്ടുകൾ വ്യക്താമാക്കുന്നത്.വ്യായാമം ചെയ്യുന്നതിനിടെ യുവാവ് കുഴഞ്ഞുവീഴുന്നത് സംഭവത്തിൻ്റെ വീഡിയോയിൽ കാണാം. പച്ചക്കറി വ്യാപാരി അഷറഫിന്റെയും ഷരീഫയുടെയും മകനാണ്. …

പുത്തിഗെയിൽ ഡിവൈഎഫ്ഐ നേതാവിനെ കുത്തിപ്പരിക്കേൽപ്പിച്ച സംഭവം; പ്രതി ഗണേശൻ അറസ്റ്റിൽ

by WEB EDITORLocal News Thursday, 20 February 2025, 6:18Thursday, 20 February 2025, 7:06No Comments

കാസർകോട്: സിപിഎം കക്കെപാടി ബ്രാഞ്ച് സെക്രട്ടറിയും ഡിവൈഎഫ്ഐ പുത്തിഗെ മേഖലാ പ്രസിഡണ്ടുമായ കക്കെപാടി ഉദയകുമാറി(45)നെ സോഡാ കുപ്പി കൊണ്ട് കുത്തിക്കൊല്ലാൻ ശ്രമിച്ച പരാതിയിൽ പ്രതി അറസ്റ്റിലായി. കട്ടത്തടുക്ക പോദോഗിരി വീട്ടിലെ ഗണേശൻ എന്ന ദാമോദര(45)നെയാണ്‌ കുമ്പള ഇൻസ്പെക്ടർ കെ പി വിനോദ് കുമാറിന്റെ മേൽനോട്ടത്തിൽ എസ് ഐ കെ ശ്രീജേഷ് അറസ്റ്റ് ചെയ്തത്. ബുധനാഴ്ച വൈകിട്ട് 7 മണിയോടെ കട്ടത്തടുക്കയിൽ വച്ചാണ് ഇയാളെ പിടികൂടിയത്. സിവിൽ പോലീസ് ഓഫീസർമാരായ വിനോദ്, പ്രശാന്ത് എന്നിവരും പിടികൂടിയ സംഘത്തിൽ ഉണ്ടായിരുന്നു. …

കുമ്പളയിലെ വിവാഹ വീട്ടിലെ ബൈക്ക് മോഷണം; നാലുമാസങ്ങൾക്കുശേഷം രണ്ടുപേർ പിടിയിൽ, തുമ്പായത് സിസിടിവി ദൃശ്യം

by WEB EDITORLocal News Wednesday, 19 February 2025, 21:53Wednesday, 19 February 2025, 21:53No Comments

കാസർകോട്: കുമ്പളയിലെ വിവാഹ വീട്ടിൽനിന്ന് ബൈക്ക് മോഷ്ടിച്ച രണ്ടുപേർ പിടിയിൽ. ബംബ്രാണ സ്വദേശി രവീന്ദ്ര എന്ന ഡബ്ബി രവി(32), മൊഗ്രാൽ മൈമൂൻ നഗറിലെ മുഹമ്മദ് മൻസൂർ(27) എന്നിവരാണ് കുമ്പള പൊലീസിന്റെ പിടിയിലായത്. കഴിഞ്ഞ നവംബർ ഒന്നിനും രണ്ടിനും ഇടയ്ക്കാണ് കുമ്പള പൈ കോമ്പൗണ്ടിൽ താമസിക്കുന്ന മാലിങ്കേശ്വരന്റെ മകൻ സച്ചിന്റെ ബൈക്ക് മോഷണം പോയത്. വീട്ടിൽ സഹോദരിയുടെ വിവാഹ ചടങ്ങ് നടക്കുന്നത് കാരണം റോഡ് അരികിലാണ് ബൈക്ക് നിർത്തിയിട്ടിരുന്നത്. അടുത്തദിവസം രാവിലെ ബൈക്ക് കാണാത്തതിനെ തുടർന്ന് പൊലീസിൽ പരാതി …

ഉപ്പളയിൽ റെയിൽവേ ട്രാക്കിന് സമീപം രണ്ടുദിവസം പഴക്കമുള്ള മൃതദേഹം; മരിച്ചത് തമിഴ്നാട് സ്വദേശിയായ 27 കാരൻ, മഞ്ചേശ്വരം പൊലീസ് സ്ഥലത്തെത്തി

by WEB EDITORLocal News Wednesday, 19 February 2025, 20:07Wednesday, 19 February 2025, 20:07No Comments

കാസർകോട്: ഉപ്പള റെയിൽവേ ട്രാക്കിന് സമീപം രണ്ടുദിവസം പഴക്കമുള്ള മൃതദേഹം കണ്ടെത്തി. തമിഴ്നാട് രാമനാദപുരം സ്വദേശി പളനി മുരുകൻ(27) ആണ് മരിച്ചത്. മൃതദേഹത്തിലെ വസ്ത്രങ്ങളിൽ നിന്ന് ലഭിച്ച തിരിച്ചറിയൽ കാർഡിൽ നിന്നാണ് ആളെ തിരിച്ചറിഞ്ഞത്. ട്രെയിനിൽ നിന്ന് വീണതാണോ ട്രെയിൻ തട്ടി മരിച്ചതാണോ എന്ന് വ്യക്തമായിട്ടില്ല. ബുധനാഴ്ച വൈകിട്ട് ആറുമണിയോടെ നാട്ടുകാരാണ് ഉപ്പള സ്കൂളിന് മുൻവശത്തുള്ള റെയിൽവേ പാളത്തിന് സമീപം മൃതദേഹം കണ്ടെത്തിയത്. തുടർന്ന് മഞ്ചേശ്വരം പൊലീസിനെ വിവരം അറിയിക്കുകയായിരുന്നു. പൊലീസ് എത്തി ഇൻക്വസ്റ്റ് നടപടികൾ സ്വീകരിച്ചു. …

ബൈക്ക് അപകടത്തിൽ പരിക്കേറ്റ് ചികിത്സയിലായിരുന്ന പെരുമ്പളയിലെ സൈനികൻ മരിച്ചു

by WEB EDITORLocal News Wednesday, 19 February 2025, 19:51Wednesday, 19 February 2025, 19:51No Comments

കാസർകോട്: ബൈക്ക് അപകടത്തിൽ പരിക്കേറ്റ് ചികിത്സയിലായിരുന്ന സൈനികൻ മരിച്ചു. പെരുമ്പള സ്വദേശി കെ നിതീഷ്(34) ആണ് ബംഗളൂരുവിൽ സൈനിക ആശുപത്രിയിൽ ചികിത്സയിലിരിക്കെ മരിച്ചത്. കഴിഞ്ഞ ശനിയാഴ്ച അർദ്ധരാത്രി ചട്ടഞ്ചാൽ ടൗണിൽ വച്ചാണ് ബൈക്ക് മറിഞ്ഞ് പരിക്കേറ്റത്. തുടർന്ന് കാസർകോട്ടെ സ്വകാര്യ ആശുപത്രിയിലും പരിക്ക് ഗുരുതരമായതിനാൽ മംഗളുരുവിലെ ആശുപത്രിയിലും എത്തിച്ചിരുന്നു. ഞായറാഴ്ച ബംഗളുരുവിലെ സൈനിക ആശുപത്രിയിൽ പ്രവേശിപ്പിച്ചിരുന്നു. ചൊവ്വാഴ്ച രാത്രിയോടെ മസ്തിഷ്കമരണം സംഭവിച്ചിരുന്നു. ബുധനാഴ്ച ഉച്ചയോടെയാണ് മരണം സ്ഥിരീകരിച്ചത്. ബംഗളുരുവിൽ ഹവീൽദാറായ നിതീഷ് 10 ദിവസം മുമ്പാണ് നാട്ടിൽ …