ദുബൈ: ദുബൈ കെഎംസിസി ചെറുവത്തൂര്‍ പഞ്ചായത്ത് കമ്മിറ്റിയുടെ ആഭിമുഖ്യത്തില്‍ ഫെബ്രുവരി 16ന് ദുബായില്‍ വെച്ച് നടത്തുന്ന ‘മെഹ്ഫില്‍ 2 ചെറുവത്തൂര്‍ ഗ്ലോബല്‍ ഫെസ്റ്റി’ന്റെ സ്വാഗത സംഘം രൂപീകരണ യോഗവും ലോഗോ പ്രകാശനവും നടന്നു. യോഗം ജില്ലാ സെക്രട്ടറി റഫീഖ് എസി കാടങ്കോട് ഉദ്ഘാടനം ചെയ്തു. ഷബീറലി കൈതക്കാട് അധ്യക്ഷനായി. ലോഗോ പ്രകാശനം ഷാര്‍ജ കെഎംസിസി വൈസ് പ്രസിഡന്റ് ജമാല്‍ ബൈത്താന്‍ നിര്‍വ്വഹിച്ചു. യുഎഇ കെഎംസിസി ചെറുവത്തൂര്‍ പഞ്ചായത്ത് പ്രസിഡന്റ് ടി.കെ.സി. അബ്ദുല്‍ ഖാദര്‍ ഹാജി ആമുഖ ഭാഷണം നടത്തി. ഉപദേശക കമ്മിറ്റി അംഗം സി. മുനീര്‍ അല്‍ വഫ, ദുബൈ കെഎംസിസി സംസ്ഥാന സെക്രട്ടറി അഫ്‌സല്‍ മെട്ടമ്മല്‍, എ.ജി.എ. റഹിമാന്‍, റാഷിദ് പി.വി, വി.കെ. റഹീം കൈതക്കാട്, കെ.എം. അബ്ദുല്‍ റഹിമാന്‍, ടി.സി. മുഹമ്മദ് കുഞ്ഞി ഹാജി സംസാരിച്ചു. ഉപദേശക കമ്മിറ്റി അംഗം അസീസ് മൗലവി പ്രാര്‍ത്ഥന നടത്തി. ജനറല്‍ സെക്രട്ടറി ഷിഹാദ് പി.എസ് സ്വാഗതവും ഓര്‍ഗനൈസിങ് സെക്രട്ടറി ഷുഹൈല്‍ മാടാപ്പുറം നന്ദിയും പറഞ്ഞു.
