കാസർകോട്: ബേഡകം പൊലീസ് സ്റ്റേഷനിലെ അഡീഷണൽ എസ്ഐ എലിവിഷം കഴിച്ചു ആത്മഹത്യയ്ക്ക് ശ്രമിച്ചു. ഗുരുതരാവസ്ഥയിൽ മംഗളൂരു ആശുപത്രിയിൽ ചികിത്സയിൽ. വെള്ളരിക്കുണ്ട് സ്വദേശി വിജയനാണ് ആത്മഹത്യയ്ക്ക് ശ്രമിച്ചത്. തിങ്കളാഴ്ച രാവിലെ സ്റ്റേഷന് സമീപത്തുള്ള പൊലീസ് ക്വാർട്ടേഴ്സിൽ വച്ചാണ് എലിവിഷം കഴിച്ചത്. അവശനിലയിൽ കണ്ട മറ്റുള്ള പൊലീസുകാർ ഉടൻതന്നെ കാസർകോട്ടും പിന്നീട് മംഗളൂരുവിലെ ആശുപത്രിയിലേക്കും കൊണ്ടുപോവുകയായിരുന്നു. തെരഞ്ഞെടുപ്പുമായി ബന്ധപ്പെട്ട് പഞ്ചായത്ത് പ്രസിഡണ്ടിനെ അപമാനിച്ചുവെന്ന കേസിന്റെ അന്വേഷണ ചുമതല ഇദ്ദേഹത്തിന് ആയിരുന്നു.