സിപിഎം തൃശൂര് ജില്ലാ കമ്മിറ്റിയുടെ അക്കൗണ്ടുകള് മരവിപ്പിച്ച് ആദായ നികുതി വകുപ്പ്. ഇന്നലത്തെ റെയ്ഡിന് പിന്നാലെയാണ് നടപടി. അക്കൗണ്ടില് അഞ്ച് കോടി 10 ലക്ഷം രൂപ ഉണ്ടായിരുന്നു. 1998ല് തുടങ്ങിയ അക്കൗണ്ട് വിവരങ്ങള് വെളിപ്പെടുത്തിയിരുന്നില്ല. തൃശൂര് ജില്ലാ കമ്മിറ്റിയുടെ പേരിലുളള ബാങ്ക് ഓഫ് ഇന്ത്യയിലെ അക്കൗണ്ടാണ് ആദായ നികുതി വകുപ്പ് മരവിപ്പിച്ചത്.
സിപിഎം തൃശൂര് ജില്ലാ കമ്മിറ്റിക്ക് ഒരു അക്കൗണ്ടില് മാത്രം ഉള്ളത് 10 കോടി രൂപ. അക്കൗണ്ടില് ഇപ്പോഴുള്ളത് അഞ്ച് കോടി പത്തു ലക്ഷം രൂപയാണ്. ഇതില് ഒരു കോടി രൂപ ഫിക്സഡ് ഡിപ്പോസിറ്റാണ്. ഇക്കഴിഞ്ഞ ഏപ്രില് രണ്ടിന് ഒരു കോടി രൂപ പിന്വലിച്ചിരുന്നു.
ജില്ലാ സെക്രട്ടറിയാണ് പണം പിന്വലിച്ചത്. ഈ പണം ചെലവഴിക്കരുതെന്ന് ഇന്കംടാക്സ് നിര്ദേശം നല്കിയിട്ടുണ്ട്. പണത്തിന്റെ സോഴ്സ് അടക്കമുളളവ വ്യക്തമാക്കാന് ഇന്കം ടാക്സ് ആവശ്യപ്പെട്ടിട്ടുണ്ട്. അതേസമയം ഒന്നും ഒളിപ്പിക്കാനില്ലെന്ന് സിപിഎം തൃശൂര് ജില്ലാ സെക്രട്ടറി എംഎം വര്ഗീസ് പ്രതികരിച്ചു. ബാങ്ക് ഓഫ് ഇന്ത്യയില് പാര്ട്ടിക്ക് അക്കൗണ്ട് ഉണ്ട്. നിയമം പാലിച്ചാണ് ബാങ്ക് ഇടപാടുകള്. ഇഡിയുടെയും ആദായ നികുതി വകുപ്പിന്റെയും നീക്കം തെരഞ്ഞെടുപ്പ് മുന്നില് കണ്ടാനിന്നും അദ്ദേഹം പ്രതികരിച്ചു.
സിപിഎം പണം പിന്വലിച്ചതുമായി ബന്ധപ്പെട്ട് തൃശ്ശൂരിലെ രണ്ട് ദേശസാല്കൃത ബാങ്കുകളിലും ആദായനികുതി വകുപ്പ് ഇന്നലെ പരിശോധന നടത്തിയിരുന്നു.
![](https://malayalam.karavaldaily.com/wp-content/uploads/2024/09/inbound7547922893848225649.jpg)