ന്യൂഡല്‍ഹി: പ്രശസ്ത സാഹിത്യകാരന്‍ സി രാധാകൃഷ്ണന്‍ കേന്ദ്ര സാഹിത്യ അക്കാദമി വിശിഷ്ടാംഗത്വം രാജിവച്ചു. സാഹിത്യത്തില്‍ പരിചയമില്ലാത്ത കേന്ദ്രമന്ത്രി അക്കാഡമി ഫെസ്റ്റിവല്‍ ഉദ്ഘാടനം ചെയ്തതില്‍ പ്രതിഷേധിച്ചാണ് രാജിയെന്ന് അദ്ദേഹം പറഞ്ഞു. അക്കാഡമി രാഷ്ട്രീയവല്‍ക്കരിക്കുന്നതിനോടുള്ള പ്രതിഷേധമാണ് രാജി. താന്‍ ഒരു പാര്‍ട്ടിക്കാരുടെയും വിമര്‍ശകനല്ലെന്നും അതേസമയം അക്കാഡമിയുടെ സ്വാതന്ത്ര്യം ഇല്ലാതാക്കുന്നതിനു കൂട്ടു നില്‍ക്കാനാവാത്തതിനാലാണ് രാജിയെന്നും അദ്ദേഹം പറഞ്ഞു.
