തിരുവനന്തപുരം: ഇനി റോഡ് ക്യാമറ പിഴ അടച്ചില്ലെങ്കില് പണിപാളും. ഇനി മുതല് വാഹനങ്ങളുടെ ഇന്ഷുറന്സ് പുതുക്കാന് ഗതാഗത നിയമ ലംഘനങ്ങള്ക്കുള്ള പിഴ അടച്ചുതീര്ക്കണമെന്ന് ഗതാഗത മന്ത്രി ആന്റണി രാജു. ഇതിനായി ഇന്ഷുറന്സ് കമ്പനികളുമായി ചര്ച്ച നടത്തുമെന്നും മന്ത്രി പറഞ്ഞു. സംസ്ഥാനത്ത് ഏറ്റവും കൂടുതല് കാസര്കോട് ജില്ലയിലാണ്. എ ഐ ക്യാമറ സ്ഥാപിച്ചതിന് ശേഷം വാഹനാപകടത്തില് മരിക്കുന്നവരുടെ എണ്ണം ഗണ്യമായി കുറഞ്ഞു. 2022 ജൂലൈയില് അപകടങ്ങളില് പരിക്കേറ്റവരുടെ എണ്ണം 3992 ആയിരുന്നു. 2023 ജൂലൈയില് വാഹനാപകടത്തില് പരിക്കേറ്റവരുടെ എണ്ണം 3316 ആയി കുറഞ്ഞു. ജൂണ് 5 മുതല് ഓഗസ്റ്റ് 2 വരെ 3242277 നിയമലംഘനം കണ്ടെത്തി. 1583367 നിയമലംഘനങ്ങള്ക്ക് നടപടിയെടുത്തു. 382580 നിയമ ലംഘനങ്ങള്ക്ക് പിഴ ഈടാക്കാന് ചലാന് നല്കി. 25 കോടി 81 ലക്ഷം രൂപ ഇ ചലാന് വഴി കിട്ടിയെന്നും മന്ത്രി അറിയിച്ചു.
അന്യസംസ്ഥാനങ്ങളില് നിന്നുള്ള വാഹനങ്ങള്ക്കും എ ഐ ക്യാമറ ബാധകമാണെന്നും മന്ത്രി വ്യക്തമാക്കി. വി ഐ പികളെ പിഴയില് നിന്ന് ഒഴിവാക്കുന്നു എന്ന ആരോപണം തെറ്റാണെന്നും മന്ത്രി വ്യക്തമാക്കി. 19 എം എല് എമാരുടെ വാഹനങ്ങള്ക്കും 10 എം പിമാരുടെ വാഹനങ്ങള്ക്കും പിഴ ചുമത്തിയെന്ന് മന്ത്രി അറിയിച്ചു. എം എല് എ, എം പി വാഹനങ്ങളടക്കം 328 സര്ക്കാര് വാഹനങ്ങള്ക്ക് പിഴ ചുമത്തിയിട്ടുണ്ട്. വി ഐ പി വാഹനങ്ങള് ഒന്നിലധികം തവണ നിയമലംഘനം നടത്തിയിട്ടുണ്ടെന്നും അദ്ദേഹം കൂട്ടിച്ചേര്ത്തു. നടന്നത്. ഓണ്ലൈന് അപ്പീല് നല്കാനുള്ള സംവിധാനം സെപ്റ്റംബര് ഒന്ന് മുതല് ആരംഭിക്കുമെന്നും മന്ത്രി അറിയിച്ചു.
![](https://malayalam.karavaldaily.com/wp-content/uploads/2024/08/inbound429725125070516882.jpg)