കാസര്കോട്: നിര്മാണം നടക്കുന്ന വീടിന്റെ മുകളില് നിന്ന് വീണ് പരിക്കേറ്റ് ആശുപത്രിയിലെത്തിച്ച ഓട്ടോ ഡ്രൈവര് മരിച്ചു. കുബണൂര് സ്വദേശിയും ബന്തിയോട് ഓട്ടോ സ്റ്റാന്ഡിലെ ഡ്രൈവറുമായ പത്മനാഭ(45) ആണ് മരിച്ചത്. വ്യാഴാഴ്ച വൈകീട്ടാണ് അയല്വാസിയുടെ നിര്മാണം നടക്കുന്ന വീടിന്റെ മുകളില് നിന്ന് വീണത്. വീടിന്റെ നിര്മാണം നോക്കാന് എത്തിയതായിരുന്നു പത്മനാഭ. സ്ലാബിന് മുകളില് നില്ക്കുന്നിനിടെ കാല്വഴുതി താഴെ വീഴുകയായിരുന്നു. ഉടന് തന്നെ മംഗളൂരുവിലെ ആശുപത്രിയിലെത്തിച്ചുവെങ്കിലും വെള്ളിയാഴ്ച ഉച്ചയോടെ മരണപ്പെട്ടു. സുജാതയാണ് ഭാര്യ. അമൃത, ആദര്ശ് എന്നിവര് മക്കളാണ്.
![](https://malayalam.karavaldaily.com/wp-content/uploads/2024/07/mogral-river-waste.jpg)