സന്നിധാനം: ശബരിമല ദര്ശനത്തിനെത്തിയ പെണ്കുട്ടി അപ്പാച്ചിമേട്ടില് കുഴഞ്ഞുവീണ് മരിച്ചു. തമിഴ്നാട് സ്വദേശിയായ 10വയസുകാരിയാണ് ഇന്ന് ഉച്ചയോടെ കുഴഞ്ഞുവീണത്.ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. തമിഴ്നാട്ടില് നിന്നുള്ള സംഘത്തോടൊപ്പമാണ് കുട്ടി ദര്ശനത്തിനായി എത്തിയത്. മൃതദേഹം പമ്പ ജനറല് ആശുപത്രിയില് സൂക്ഷിച്ചിരിക്കുകയാണ്.അതേസമയം ആഴ്ച അവസാനമായതോടെ ഇന്ന് സന്നിധാനത്ത് കനത്ത ഭക്തജന തിരക്കാണ് ഉണ്ടായത്. ഏറെനേരം കാത്തുനിന്നശേഷമാണ് ഭക്തര്ക്ക് ദര്ശനം സാദ്ധ്യമായത്. ദര്ശനസമയം കൂട്ടുന്നത് പരിഗണിക്കണമെന്ന് ഹൈക്കോടതി ആവശ്യപ്പെട്ടതോടെ തന്ത്രിയുമായി സ്പെഷ്യല് കമ്മീഷണറും ദേവസ്വം ഉദ്യോഗസ്ഥരും ചര്ച്ച നടത്തി. എന്നാല് ശബരിമല ദര്ശന സമയം നിലവിലെ സാഹചര്യത്തില് വര്ദ്ധിപ്പിക്കാൻ കഴിയില്ലെന്ന് തന്ത്രി അറിയിച്ചതായി ദേവസ്വം ബോര്ഡ് ഹൈക്കോടതിയിൽ അറിയിച്ചു.
![](https://mlozaudj56ft.i.optimole.com/w:721/h:452/q:mauto/f:best/https://malayalam.karavaldaily.com/wp-content/uploads/2024/07/jail-khd.jpg)