കാസർകോട്: ബംഗളൂരുവിൽ നടന്ന ആറാമത് ബി സി എ ഐ നാഷണൽ പഞ്ചഗുസ്തി മത്സരത്തിൽ ഗോൾഡ് മെഡൽ നേടി നീലേശ്വരം ചാത്തമത്തെ ആദർശ്. 95 കിലോഗ്രാം യൂത്ത് ലെഫ്റ്റ് ഹാൻഡ് വിഭാഗത്തിലാണ് ഒന്നാം സ്ഥാനം നേടി ദേശീയ ചാമ്പ്യനായത്. ഈ നേട്ടത്തോടെ ജപ്പാനിൽ നടക്കുന്ന ലോക പഞ്ചഗുസ്തി മത്സരത്തിൽ ഇന്ത്യയെ പ്രതിനിധീകരിക്കാൻ യോഗ്യത നേടി. ഈ നേട്ടം നാടിനും കായിക രംഗത്തിനും വലിയ അഭിമാനമായി മാറിയിരിക്കുകയാണ്.
ചാത്തമത്ത് ബ്രദേഴ്സ് ക്ലബ്ബിന്റെ കബഡി താരവുമാണ് ആദർശ്. ചാത്തമത്തെ ഒട്ടിൽ രജി-ശുഭ എന്നിവരുടെ മകനാണ്. ലോക ചാമ്പ്യൻഷിപ്പിൽ ഇന്ത്യക്ക് വേണ്ടി മെഡൽ നേടുന്നതിന്റെ തയ്യാറെടുപ്പിലാണ് ആദർശ് ഇപ്പോൾ.