കാസര്കോട്: ഇരിയയില് സ്വകാര്യ ബസും സ്കൂട്ടറും കൂട്ടിയിടിച്ച് സ്കൂട്ടര് യാത്രക്കാരന് ഗുരുതര പരിക്ക്. മണ്ടേങ്ങാനം സ്വദേശിയും മൂന്നാംമൈലിലെ കൊറിയല് സ്ഥാപനത്തിലെ ജീവനക്കാരനുമായ ഫാറൂഖി(32)നാണ് പരിക്കേറ്റത്. ബുധനാഴ്ച രാവിലെ 9 മണിയോടെ ഇരിയ പള്ളിക്ക് സമീപത്തുവച്ചാണ് അപകടം. പാണത്തൂരിലേക്ക് പോവുകയായിരുന്ന അഞ്ജലി ബസാണ് ഇടിച്ചത്. പരിക്കേറ്റ ഫാറൂഖിനെ കാസര്കോട്ടെ സ്വകാര്യ ആശുപത്രിയില് പ്രവേശിപ്പിച്ചു.
