​ ഫ്രാൻസിൽ ജി 7 ഉച്ചകോടി ആരംഭിക്കുന്നു.
​ഫ്രാൻസിലെ എവിയാനിൽ ഇന്നുമുതൽ രണ്ട് ദിവസത്തെ ജി7 ഉച്ചകോടിക്ക് തുടക്കമാവുകയാണ്. ആഗോള സാമ്പത്തിക വളർച്ച, ആർട്ടിഫിഷ്യൽ ഇന്റലിജൻസ് നിയന്ത്രണങ്ങൾ, ഭൗമരാഷ്ട്രീയ പ്രതിസന്ധികൾ എന്നിവയാണ് പ്രധാന ചർച്ചാവിഷയങ്ങൾ. ഗ്ലോബൽ സൗത്തിന്റെ (വികസ്വര രാജ്യങ്ങളുടെ) ശബ്ദമായി പ്രധാനമന്ത്രി നരേന്ദ്ര മോദി ഉച്ചകോടിയിൽ പങ്കെടുക്കുന്നുണ്ട്.

യു.എസ് – ഇറാൻ സമാധാന നീക്കവും ക്രൂഡ് ഓയിൽ വിലയിടിവും.
​ഹോർമൂസ് കടലിടുക്കിലെ സംഘർഷങ്ങൾ ലഘൂകരിക്കുന്നതിനായി അമേരിക്കയും ഇറാനും തമ്മിൽ സുപ്രധാനമായ ഒരു ധാരണയിലെത്തിയതായി റിപ്പോർട്ടുകളുണ്ട്. ഈ മേഖലയിലൂടെയുള്ള കപ്പൽ ഗതാഗതം സുഗമമാക്കാൻ ഇത് സഹായിക്കും. ഈ ചർച്ചകളുടെ പശ്ചാത്തലത്തിൽ അന്താരാഷ്ട്ര വിപണിയിൽ ക്രൂഡ് ഓയിൽ വിലയിൽ വലിയ ഇടിവ് രേഖപ്പെടുത്തി.

ബ്രിട്ടനിൽ 16 വയസ്സിൽ താഴെയുള്ളവർക്ക് സോഷ്യൽ മീഡിയ വിലക്ക്.
​കുട്ടികളുടെ ഓൺലൈൻ സുരക്ഷ ഉറപ്പാക്കുന്നതിന്റെ ഭാഗമായി, 16 വയസ്സിന് താഴെയുള്ളവർക്ക് സോഷ്യൽ മീഡിയ പ്ലാറ്റ്‌ഫോമുകൾ ഉപയോഗിക്കുന്നത് പൂർണ്ണമായി നിരോധിച്ചുകൊണ്ട് യുകെ പ്രധാനമന്ത്രി കെയർ സ്റ്റാർമർ ചരിത്രപരമായ പ്രഖ്യാപനം നടത്തി.

​ആഗോള പാൻഡെമിക് കരാറിനായി യുണൈറ്റഡ് നേഷൻസ്
​ഭാവിയിലുണ്ടായേക്കാവുന്ന വലിയ ആരോഗ്യപ്രതിസന്ധികളെയും പകർച്ചവ്യാധികളെയും പ്രതിരോധിക്കുന്നതിനായുള്ള ‘പാൻഡെമിക് കരാർ’ വേഗത്തിൽ പൂർത്തിയാക്കാൻ ലോകാരോഗ്യ സംഘടനയും ബ്രസീലും സംയുക്തമായി ആഗോള നേതാക്കളോട് ആവശ്യപ്പെട്ടു.

​സ്പോർട്സ്: കെയ്ൻ വില്യംസൺ വിരമിച്ചു.
​ന്യൂസിലൻഡിന്റെ എക്കാലത്തെയും മികച്ച ബാറ്റർമാരിലൊരാളും മുൻ ക്യാപ്റ്റനുമായ കെയ്ൻ വില്യംസൺ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു.

​ഇന്ത്യയുടെ ദീർഘദൂര ക്രൂയിസ് മിസൈൽ പരീക്ഷണം വിജയം: ഒഡീഷ തീരത്തെ ഡോ. എപിജെ അബ്ദുൾ കലാം ദ്വീപിൽ നിന്ന് ഡിഫൻസ് റിസർച്ച് ആൻഡ് ഡെവലപ്‌മെന്റ് ഓർഗനൈസേഷൻ വിജയകരമായി പരീക്ഷിച്ച കരയാക്രമണ ശേഷിയുള്ള ദീർഘദൂര ക്രൂയിസ് മിസൈൽ അതിന്റെ എല്ലാ പരീക്ഷണ ലക്ഷ്യങ്ങളും കൈവരിച്ചു. സായുധ സേനയുടെ ദീർഘദൂര ആക്രമണശേഷി വർദ്ധിപ്പിക്കുന്ന ഈ നേട്ടത്തെ പ്രതിരോധ മന്ത്രി രാജ്‌നാഥ് സിങ് അഭിനന്ദിച്ചു.

​100% എഥനോൾ ഇന്ധനത്തിന് അംഗീകാരം: രാജ്യത്ത് ഇ-100 യുഗത്തിന് തുടക്കം കുറിച്ചുകൊണ്ട് നൂറ് ശതമാനം എഥനോൾ ഇന്ധനത്തിന് കേന്ദ്ര സർക്കാർ അംഗീകാരം നൽകി. ഇന്ധന ഇറക്കുമതി കുറയ്ക്കുന്നതിലും പരിസ്ഥിതി മലിനീകരണം തടയുന്നതിലും ഇത് നിർണായക ചുവടുവെപ്പാണ്.

​ഡൽഹിയിൽ എസ്‌എഫ്‌ഐ മാർച്ചിന് വിലക്ക്: പരീക്ഷാ ക്രമക്കേടുകളുമായി ബന്ധപ്പെട്ട് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവയ്ക്കണമെന്ന് ആവശ്യപ്പെട്ട് ഡൽഹിയിൽ എസ്എഫ്ഐ പ്രഖ്യാപിച്ച പ്രതിഷേധ മാർച്ചിന് ഡൽഹി പോലീസ് വിലക്കേർപ്പെടുത്തി.

​ പൗരത്വത്തിന്റെ തെളിവായി ആധാർ കാർഡ് ഉപയോഗിക്കാമോ എന്നത് സംബന്ധിച്ച സുപ്രധാന ഹർജി സുപ്രീം കോടതി ഇന്ന് പരിഗണിക്കും.

​മൈസൂരു പബ്ബിൽ തീപിടിത്തം: കർണാടകയിലെ മൈസൂരുവിലുള്ള ഒരു പബ്ബിലുണ്ടായ ശക്തമായ തീപിടിത്തത്തിൽ രണ്ട് ജീവനക്കാർ മതിച്ചു.അഞ്ച് പേർക്ക് പരിക്കെറ്റു.

​മൺസൂൺ കുറയു ന്നു; താപനില ഉയർന്നേക്കും: രാജ്യത്തിന്റെ വിവിധ ഭാഗങ്ങളിൽ കാലവർഷത്തിന്റെ തീവ്രത കുറയുന്നതായും, വരും ദിവസങ്ങളിൽ പല സംസ്ഥാനങ്ങളിലും താപനില ഉയരാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.

​
​കെ.എസ്.ആർ.ടി.സി ബസുകളിൽ സ്ത്രീകൾക്കു ‘പ്രിയദർശിനി’ സൗജന്യ യാത്രാ പദ്ധതി സംസ്ഥാനത്ത് ആരംഭിച്ചു. ഓർഡിനറി ബസുകളെ തിരിച്ചറിയാൻ പ്രത്യേക സ്റ്റിക്കറുകൾ പതിച്ചിട്ടുണ്ട്.

ഉയർന്ന ശമ്പളമുള്ള സ്ത്രീകളെ പദ്ധതിയിൽ നിന്ന് ഒഴിവാക്കണമെന്ന് ആവശ്യപ്പെട്ട് ചില സംഘടനകൾ രംഗത്തെത്തിയിട്ടുണ്ട്.

​സംസ്ഥാനത്ത് വീണ്ടും ഷിഗെല്ല മരണം റിപ്പോർട്ട് ചെയ്തു. തൃശ്ശൂരിൽ ചികിത്സയിലായിരുന്ന ഏഴ് വയസുകാരനും മാപ്രാണം സ്വദേശിയായ യുവാവുമാണ് മരിച്ചത്. കണ്ണൂരിലും ചിലർക്ക് രോഗം സ്ഥിരീകരിച്ച് ചികിത്സയിലാണ്. നിലവിൽ 135-ഓളം കേസുകൾ റിപ്പോർട്ട് ചെയ്തതായും രോഗപ്രതിരോധ പ്രവർത്തനങ്ങൾ ശക്തമാക്കിയതായും ആരോഗ്യവകുപ്പ് അറിയിച്ചു.

​കാലവർഷത്തിൽ കുറവ്
​കേരളത്തിൽ മൺസൂൺ മേഘങ്ങൾ അപ്രത്യക്ഷമായതോടെ മഴയിൽ വലിയ കുറവ് രേഖപ്പെടുത്തി. പടിഞ്ഞാറൻ കാറ്റിന്റെ സ്വാധീനം കുറഞ്ഞതാണ് വില്ലനായത്. സംസ്ഥാനത്ത് നിലവിൽ അതിശക്തമായ മഴ ശമിച്ചതായാണ് റിപ്പോർട്ടുകൾ.

​ഭൂമി തർക്കത്തിന് പരിഹാരം
​ആറു പതിറ്റാണ്ടായി നീണ്ടുനിന്ന കിഴക്കമ്പലം മലയിടംതുരുത്ത് പര്യത്ത്കാവ് ഉന്നതിയിലെ ഭൂമി തർക്കത്തിന് ഒടുവിൽ പരിഹാരമായി. എറണാകുളം കളക്ടറേറ്റിൽ നടന്ന ചർച്ചകൾക്കൊടുവിൽ കക്ഷികൾ ഒത്തുതീർപ്പ് കരാറിൽ ഒപ്പുവച്ചു. സർക്കാർ ഈ വിവരം ഹൈക്കോടതിയെ അറിയിക്കും.

​റബർ ബോർഡ് ചെയർമാൻ.
​ബിജെപി നേതാവ് എൻ. ഹരിയെ റബർ ബോർഡിന്റെ പുതിയ ചെയർമാനായി കേന്ദ്ര സർക്കാർ നിയമിച്ചു.

വയനാട് വൈപ്പടിയിൽ 85 വയസ്സുകാരി കൊല്ലപ്പെട്ട സംഭവത്തിൽ 17 വയസ്സുകാരൻ പിടിയിലായി. പണം നൽകാത്തതിലുള്ള പ്രകോപനമാണ് കൊലപാതകത്തിന് കാരണമെന്ന് പോലീസ് അറിയിച്ചു.

​ബസ് മോഷണം: പാലക്കാട് കെ.എസ്.ആർ.ടി.സി ഡിപ്പോയിൽ നിന്ന് കെ.എസ്.ആർ.ടി.സി ബസ് കടത്തിക്കൊണ്ടുപോയ ദൃശ്യങ്ങൾ പുറത്തുവന്നു. പോലീസ് അന്വേഷണം ആരംഭിച്ചിട്ടുണ്ട്.