നീലേശ്വരം: ടയര്‍ പൊട്ടിയതിന് പിന്നാലെ ഇളനീര്‍ കയറ്റി വന്ന ലോറി തല കീഴായി മറിഞ്ഞു. ഓടി കൊണ്ടിരിക്കെയാണ് സംഭവം. ലോറിയുടെ ടയര്‍ പൊട്ടിത്തെറിക്കുകയും നിയന്ത്രണം വിട്ട് നടുറോഡില്‍ തല കീഴായി മറിയുകയായിരുന്നു. ചൊവ്വാഴ്ച രാവിലെ ദേശീയ പാതയില്‍ നീലേശ്വരം കരുവാച്ചേരിയിലാണ് അപകടം. കാഞ്ഞങ്ങാട് ഭാഗത്തേക്ക് വരികയായിരുന്നു ലോറി. അപകടത്തില്‍ ആര്‍ക്കും പരിക്കില്ല. നീലേശ്വരം പൊലീസ് സ്ഥലത്തെത്തി. ലോറി മറിഞ്ഞതിനെ തുടര്‍ന്നുണ്ടായ ഗതാഗതതടസം ഒഴിവാക്കി. തിരക്കുള്ള സമയമാണ് അപകടമുണ്ടായതെങ്കിലും ആ സമയം റോഡില്‍ മറ്റ് വാഹനങ്ങള്‍ ഉണ്ടായിരുന്നില്ല.