കാസര്‍കോട്: പെരുമ്പള, പള്ളിക്കു സമീപത്ത് ഓട്ടോയില്‍ കാറിടിച്ച് ഏഴുപേര്‍ക്ക് പരിക്കേറ്റു.ചെറിയ ആലംപാടിയിലെ ബി എ രജിന (38), ആലംപാടി, മല്ലംഹൗസിലെ ഹാജിറ (55), സമീറ(35), റൈസല്‍(2), നുസ (8), അബ്ദുല്‍ ഖാദര്‍ (48),റഹ്‌മാനിയ നഗറിലെ മുഹമ്മദ് ഷാറൂഖ് സല്‍മാന്‍ (13) എന്നിവര്‍ക്കാണ് പരിക്കേറ്റത്. സംഭവത്തില്‍ കാര്‍ ഓടിച്ച ആള്‍ക്കെതിരെ വിദ്യാനഗര്‍ പൊലീസ് കേസെടുത്തു. കൊമ്പനടുക്കത്തേയ്ക്ക് പോവുകയായിരുന്നു കുടുംബം. പെരുമ്പള പള്ളിക്കു മുന്നില്‍ എത്തിയപ്പോള്‍ കുടുംബം സഞ്ചരിച്ചിരുന്ന ഓട്ടോയിൽ നായന്മാര്‍മൂല ഭാഗത്തേയ്ക്ക് വരികയായിരുന്ന കാര്‍ ഇടിക്കുകയായിരുന്നുവെന്നു വിദ്യാനഗര്‍ പൊലീസ് രജിസ്റ്റര്‍ ചെയ്ത കേസില്‍ പറയുന്നു.