ചെന്നൈ: പ്രശസ്ത തമിഴ് സിനിമാ നിർമ്മാതാവും സംവിധായകനുമായ കെ. രാജൻ (85) ചെന്നൈ അഡയാർ പാലത്തിൽ നിന്ന് പുഴയിൽ ചാടി മരിച്ചു. 1980 മുതൽ തമിഴ് സിനിമ രംഗത്തു സജീവമായിരുന്നു. ഗണേഷ് സിനി ആർട്സ് എന്ന ബാനറിൽ നിരവധി ചിത്രങ്ങൾ നിർമ്മിച്ചിട്ടുണ്ട്. നിരവധി സിനിമകൾ സംവിധാനം ചെയ്തു. ചെന്നൈ ഫിലിം ഡിസ്ട്രിബ്യൂട്ടേഴ്സ് അസോസിയേഷൻ പ്രസിഡന്റായും പ്രവർത്തിച്ചിട്ടുണ്ട്. സിനിമയുമായി ബന്ധപ്പെട്ട വിവിധ മേഖലകളിലെ പ്രശ്നങ്ങളിൽ അദ്ദേഹം സജീവമായി ഇടപെടുമായിരുന്നു.