കാഞ്ഞങ്ങാട് : ദേശീയപാത 66ലെ പെരിയ-ചാലിങ്കാലിൽ ടോൾഗേറ്റ് നിർമ്മാണം പുരോഗമിക്കുന്നു. ഈ വർഷം പകുതിയോടെ നിർമ്മാണം പൂർത്തിയാക്കി ടോൾ പിരിവ് ആരംഭിക്കുമെന്നു കരുതുന്നു.
കുമ്പള ആരിക്കാടിയിൽ താൽക്കാലികമായി സ്ഥാപിച്ച ടോൾ ഗേറ്റ് പ്രതിഷേധത്തെ തുടർന്ന് നിറുത്തലാക്കിയിരുന്നു. ടോൾ ഗേറ്റുകൾ തമ്മിലുളള ദൂരപരിധി മാനദണ്ഡം പരിഗണിച്ചാണ് പെരിയചാലിങ്കാലിൽ ടോൾ ഗേറ്റ് സ്ഥാപിക്കുന്നത്. ഈ വർഷം പകുതിയോടെ പ്രവർത്തനമാരംഭിച്ചേക്കുമെന്നാണ് ‘സൂചന.
അതേസമയം ചാലിങ്കാൽ റീച്ചിൽ വിവിധ ഭാഗങ്ങളിൽ അടിപ്പാതസ്ഥാപിക്കണമെന്ന ആവശ്യവും ഉയർന്നിട്ടുണ്ട്. സമരം മൂലം ദേശീയപാത നിർമ്മാണവും മന്ദഗതിയിലാണ്.
