നീലേശ്വരം: വീട്ടു പറമ്പിലൂടെ നടന്നു പോകുന്നത് തടഞ്ഞതിലുള്ള വിരോധത്തെ തുടര്‍ന്നാണെന്നു പറയുന്നു, അശ്ലീല ഭാഷയില്‍ ചീത്ത വിളിക്കുകയും തള്ളിയിട്ടതായും പരാതി. സംഭവത്തില്‍ നീലേശ്വരം പൊലീസ് കേസെടുത്തു.
നീലേശ്വരം കാട്ടിപ്പൊയില്‍, കക്കോട്, മദുപ്പില്‍ ഹൗസിലെ കെ രാഘവന്റെ ഭാര്യ എം കൗസല്യ (57)യുടെ പരാതിയില്‍ കിനാനൂര്‍, കക്കോട്ടിലെ വിനോദിനെതിരെയാണ് കേസ്.
ചൊവ്വാഴ്ച വൈകുന്നേരം അഞ്ചുമണിയോടെയാണ് കേസിനാസ്പദമായ സംഭവം. പരാതിക്കാരിയുടെ വീട്ടു പറമ്പിലൂടെ വിനോദ് നടന്നു പോകുന്നത് തടഞ്ഞിരുന്നു. ഈ വിരോധത്തില്‍ പരാതിക്കാരിയെ തടഞ്ഞു നിര്‍ത്തി അസഭ്യം പറയുകയും തള്ളി താഴെയിട്ട് ദോഹോപദ്രവം ഏല്‍പ്പിച്ചുവെന്നും പരാതിയില്‍ കൂട്ടിച്ചേര്‍ത്തു.