കാസര്കോട്: ഓപ്പറേഷന് രക്ഷിതയുടെ ഭാഗമായി കാസര്കോട് റെയില്വേ സ്റ്റേഷനില് പൊലീസും ഡാന്സാഫ് ടീമും നടത്തിയ പരിശോധനയില് ട്രെയിനിന്റെ സീറ്റിനടിയില് ഉപേക്ഷിച്ച നിലയില് 715 ഗ്രാം കഞ്ചാവ് കണ്ടെത്തി. ബുധനാഴ്ച ഉച്ചയോടെ കാസര്കോട് റെയില്വേ സ്റ്റേഷനിലെത്തിയ ഭാവ്നഗര് കൊച്ചുവേളി
എക്സപ്രസിന്റെ പിറകിലെ ജനറല് കോച്ചിലാണ് കഞ്ചാവ് കണ്ടെത്തിയത്. കറുത്ത ഷോള്ഡര് ബാഗിലിലെ പോളിത്തീന് കവറിലാണ് കഞ്ചാവ് സൂക്ഷിച്ചിരുന്നത്. കൂടാതെ 100 ചെറിയ പോളിത്തീന് കവറുകളും ഷോള്ഡര് ബാഗിനകത്തുണ്ടായിരുന്നു. കഞ്ചാവ് വില്പനക്കായി കൊണ്ടുപോകുന്നതായി സംശയിക്കുന്നു. റെയില്വേ പൊലീസ് സംഭവത്തില് വിശദമായ അന്വേഷണം ആരംഭിച്ചു. എസ്എച്ച്ഒ എം രജികുമാറിന്റെ നേതൃത്വത്തില് സിപിഒ സുശാന്ത്, ഡാന്സാഫ് ടീമിലെ സിപിഒമാരായ റിനീത്, അഖിലേഷ്, ആര്പിഎഫ് ഇന്സ്പെക്ടര് എന്കെ ശശി, കോണ്സ്റ്റബിള്മാരായ രാജീവ്, രാജേഷ് എന്നിവരാണ് ട്രെയിനില് പരിശോധന നടത്തിയത്.
മെയിൻ സ്വിച്ച് ഓഫ് ചെയ്ത നിലയിൽ, കരിന്തളത്ത് ഒറ്റയ്ക്ക് താമസിക്കുന്ന വയോധികയെ വീട്ടിൽ മരിച്ച നിലയിൽ കണ്ടെത്തി
Saturday, 20 December 2025, 21:56
