കാസര്‍കോട്: കഴിവും സൗന്ദര്യവും ഇല്ലെന്ന് പറഞ്ഞ് പീഡിപ്പിച്ചുവെന്ന പരാതിയില്‍ ഭര്‍ത്താവിനും വീട്ടുകാര്‍ക്കും എതിരെ ബേഡകം പൊലീസ് കേസെടുത്ത് അന്വേഷണം ആരംഭിച്ചു. ബേഡകം, കൊളത്തൂര്‍ രാമനടുക്കം സ്വദേശിനിയായ 25 കാരിയുടെ പരാതി പ്രകാരം ഭര്‍ത്താവ് കയ്യൂര്‍ ചീമേനി ആലന്തട്ട പാലക്കൊച്ചിയിലെ പി വി സുധീഷ്, മാതാവ് ലളിതകുമാരി, അനുശ്രീ എന്നിവര്‍ക്കെതിരെയാണ് കേസെടുത്തത്. 2020 ഡിസംബര്‍ ഏഴിനാണ് രാമനടുക്കം സ്വദേശിനിയും സുനീഷും തമ്മിലുള്ള വിവാഹം നടന്നത്. വിവാഹ സമയത്ത് നല്‍കിയ 12 പവന്‍ സ്വര്‍ണ്ണം ഭര്‍ത്താവും മാതാവും മറ്റും ചേര്‍ന്ന് കൈവശപ്പെടുത്തി ധൂര്‍ത്തടിക്കുകയായിരുന്നുവെന്നു പരാതിയില്‍ പറഞ്ഞു. പിന്നീട് കഴിവും സൗന്ദര്യവും ഇല്ലെന്നു പറഞ്ഞ് പീഡിപ്പിക്കുകയായിരുന്നുവെന്നു പരാതിയില്‍ പറയുന്നു.