കാസര്കോട്: പങ്കെടുക്കുന്ന മത്സരങ്ങളില് എല്ലാം തന്നെ മിന്നുന്ന പ്രകടനവുമായി കരിന്തളത്തെ ദമ്പതികള് വീണ്ടും ശ്രദ്ധേയമാകുന്നു. കല്പ്പറ്റ എം കെ ജിനചന്ദ്രന് മെമ്മോറിയല് സിന്തറ്റിക് സ്റ്റേഡിയത്തില് നടന്ന അത്ലറ്റിക്സ് ഫെഡറേഷന് ഓഫ് ഇന്ത്യ(എ എഫ് ഐ) മൂന്നാമത് കേരള സ്റ്റേറ്റ് ചാമ്പ്യന്ഷിപ്പിലാണ് ദമ്പതികളായ പിവി ബിജുവും ടി ശ്രുതിയും മികച്ച പ്രകടനം കാഴ്ചവെച്ചത്. 5000 , 1500 മീറ്റര് ഓട്ടത്തില് പി വി ബിജു ഗോള്ഡ് മെഡല് കരസ്ഥമാക്കി. ഭാര്യ ടി ശ്രുതി 3000 മീറ്റര് നടത്തത്തില് ഗോള്ഡ് മെഡലും നേടി. ബിജു ഏഴിമല നാവിക അക്കാദമി മിലിറ്ററി എഞ്ചിനീയറിംഗ് സര്വീസ് ഉദ്യോഗസ്ഥനും, കിനാനൂര് കരിന്തളം സൈനിക കൂട്ടായ്മ അംഗവും ആണ്. ടി ശ്രുതി ലിറ്റല് ഫ്ലവര് ഗേള്സ് ഹയര് സെക്കന്ററി സ്കൂള് അധ്യാപികയാണ്. ഇവര് രാജ്യാന്തര മാസ്റ്റേഴ്സ് അത്ലറ്റിക് മീറ്റുകളില് ഉള്പ്പെടെ പങ്കെടുത്തു കൊണ്ട് ഇതിനോടകം തന്നെ നിരവധി മെഡലുകള് വാരിക്കൂട്ടിയിട്ടുണ്ട്.
കുമ്പളയില് ലീഗ് ഒറ്റക്കു ഭൂരിപക്ഷം നേടി; പ്രസിഡന്റ് സ്ഥാനത്തേക്ക് പാര്ട്ടി ആരെ കൊള്ളും, ആരെ തള്ളും
Sunday, 21 December 2025, 16:44
