കാഞ്ഞങ്ങാട്: കോട്ടച്ചേരി ഇഖ്ബാല് ജംഗ്ഷനില് കാറുകള് കൂട്ടിയിടിച്ച് തല കീഴായി മറിഞ്ഞു. അഞ്ചുപേര്ക്ക് പരിക്കേറ്റു. ശനിയാഴ്ച രാവിലെ 10.30 മണിയോടെയാണ് അപകടം. അപകടത്തില്പ്പെട്ട കാറുകളില് ഒന്ന് റോഡ് മധ്യേ തല കീഴായി മറിയുകയായിരുന്നു. പരിക്കേറ്റവരെ കാഞ്ഞങ്ങാട്ടെ ആശുപത്രിയില് പ്രവേശിപ്പിച്ചു. കാസര്കോട് ഭാഗത്ത് നിന്നും വന്ന കാര് ഇഖ്ബാല് ജംഗ്ഷനില് നിന്നും പടിഞ്ഞാറ് ഭാഗത്തേക്ക് തിരിയവെ കാസര്കോട് ഭാഗത്ത് നിന്നും വന്ന കാര് പിറകിലിടിക്കുകയും മുന്നിലെ കാര് തല കീഴായി മറിഞ്ഞു. എയര്ബാഗ് പ്രവര്ത്തിച്ചതിനാല് കാര്യമായ പരിക്കില്ല. കാറില് നിന്നും റോഡിലേക്ക് ഓയില് ചോര്ന്നു. അതിനിടയില് സ്കൂട്ടിയും അപകടത്തില് പെട്ടു. പൊലീസും ഫയര്ഫോഴ്സും സ്ഥലത്തെത്തി. ആശുപത്രിയിലുള്ള ആരുടെയും പരിക്ക് ഗുരുതരമല്ലെന്നാണ് വിവരം.
കരിന്തളത്തെ വയോധികയുടെ മരണം; മരണകാരണം ഹൃദയാഘാതമെന്ന് പോസ്റ്റ്മാർട്ടം റിപ്പോർട്ട്
Monday, 22 December 2025, 6:22
