ന്യൂഡല്ഹി: ബെംഗളൂരു-ഹൈദരാബാദ് ദേശീയ പാതയില് ബസിന് തീപിടിച്ച് ദുരന്തം. 20 യാത്രക്കാർക്ക് ദാരുണാന്ത്യം. കുര്ണൂല് ജില്ലയിലെ ചിന്ന തെകുരു ഗ്രാമത്തില് വെള്ളിയാഴ്ച പുലര്ച്ചെ മൂന്നുമണിയോടെയായിരുന്നു അപകടം. കാവേരി ട്രാവല്സിന്റെ ബസിനാണ് തീപിടിച്ചത്. ബസ് ഒരു ബൈക്കില് ഇടിച്ചതിനെ തുടര്ന്നാണ് തീപിടിച്ചതെന്നാണ് വിവരം. 42 പേരാണ് ബസിനുള്ളിലുണ്ടായിരുന്നതെന്നും വിവരമുണ്ട്. തീപിടിച്ചയുടെന് ബസ്സില് തീ ആളിപ്പടരുകയായിരുന്നു. പത്തില് അധികം യാത്രക്കാര് എമര്ജെന്സി വിന്ഡോ വഴി രക്ഷപ്പെട്ടെങ്കിലും മറ്റുള്ളവര് അകത്ത് കുടുങ്ങിപ്പോയി. ഫയർഫോഴ്സിന്റെയും പൊലീസിന്റെയും നേതൃത്വത്തിലാണ് രക്ഷാപ്രവർത്തനം നടത്തിയത്. മരണസംഖ്യ ഇനിയും ഉയരാണ് സാധ്യത. സംഭവത്തില് മുഖ്യമന്ത്രി എന് ചന്ദ്രബാബു നായിഡു അനുശോചനം അറിയിച്ചു.
