സേലം: ചിതലിനെ നശിപ്പിക്കാന്‍ പെട്രോളൊഴിച്ചു കത്തിച്ചതിനെത്തുടര്‍ന്ന് വീടിന് തീപിടിച്ച് അച്ഛനും മകനും ദാരുണാന്ത്യം. സേലത്ത് ഗംഗാവലിക്കടുത്തുള്ള നടുവലൂര്‍ ഗ്രാമത്തിലെ കര്‍ഷകനായ രാമസ്വാമി (47), മകന്‍ പ്രതീഷ് (11) എന്നിവരാണ് മരിച്ചത്. കഴിഞ്ഞ ദിവസമാണ് സംഭവം. രാമസ്വാമി വീട്ടിലുണ്ടായിരുന്ന ചിതലിനെ പെട്രോള്‍ ഉപയോഗിച്ച് കത്തിക്കാന്‍ ശ്രമിച്ചത്. എന്നാല്‍, പെട്ടെന്ന് തന്നെ തീ ആളിപ്പടരുകയും ഇരുവര്‍ക്കും ഗുരുതരമായി പൊള്ളലേല്‍ക്കുകയുമായിരുന്നു. ഉടന്‍ തന്നെ ആത്തൂര്‍ സര്‍ക്കാര്‍ ആശുപത്രിയിലും തുടര്‍ന്ന് സേലം മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ഇരുവരുടെയും ജീവന്‍ രക്ഷിക്കാനായില്ല. സംഭവത്തില്‍ ഗംഗവല്ലി പൊലീസ് കേസെടുത്ത് അന്വേഷണം ആരംഭിച്ചു.