കാസര്‍കോട്: ആടിനെ മേയിച്ച് വീട്ടിലേക്ക് മടങ്ങുകയായിരുന്ന യുവതിയെ കയറിപ്പിടിച്ചതായി പരാതി. 40കാരി നല്‍കിയ പരാതി പ്രകാരം വെള്ളരിക്കുണ്ട് പൊലീസ് കേസെടുത്ത് അന്വേഷണം തുടങ്ങി. ചൊവ്വാഴ്ച വൈകുന്നേരം മാലോത്തിനു സമീപത്താണ് സംഭവം. ബൈക്കിലെത്തിയ യുവാവ് പരാതിക്കാരിയായ യുവതിയുടെ സമീപത്ത് ബൈക്ക് നിര്‍ത്തി വഴി ചോദിക്കുകയായിരുന്നു. അതിനു ശേഷം അല്‍പം മുന്നോട്ടു പോയി തിരിച്ചെത്തി യുവതിയെ കയറിപ്പിടിക്കുകയായിരുന്നുവെന്നു പരാതിയില്‍ പറയുന്നു. ഇതിനിടയില്‍ ഓട്ടോ വരുന്ന ശബ്ദം കേട്ട് അക്രമി ബൈക്കില്‍ രക്ഷപ്പെട്ടു. അതിക്രമം നടത്തിയ ആളെ കണ്ടാലറിയാമെന്ന് പരാതിയില്‍ വ്യക്തമാക്കി.
