കാസർകോട്: സഹോദരിയുടെ വീട്ടിലേയ്ക്ക് പോകുന്നുവെന്ന് പറഞ്ഞ് വീട്ടിൽ നിന്നും ഇറങ്ങിയ യുവാവിനെ കാണാതായതായി പരാതി. പെർള ,കാട്ടു കുക്കെ, അരക്കരിയിലെ ജയേഷി(36) നെയാണ് കാണാതായത്. തിങ്കളാഴ്ച രാവിലെ 11 മണിക്ക് സഹോദരിയുടെ വീട്ടിലേയ്ക്ക് പോകുന്നുവെന്നു പറഞ്ഞാണ് വീട്ടിൽ നിന്നും ഇറങ്ങിയത്. തിരിച്ചെത്താത്തതിനെ തുടർന്ന് മൊബൈൽ ഫോണിൽ വിളിച്ചുവെങ്കിലും സ്വിച് ഓഫാണെന്ന മറുപടിയാണ് ലഭിച്ചത്. ബന്ധുവീടുകളിലും മറ്റും അന്വേഷിച്ചുവെങ്കിലും കണ്ടെത്താൻ കഴിഞ്ഞില്ല. സഹോദരൻ രാകേഷ് നൽകിയ പരാതിയിൽ ബദിയഡുക്ക പൊലീസ് കേസെടുത്തു.