കണ്ണൂര്‍: കുപ്രസിദ്ധ വാഹനമോഷ്ടാവ് പൊലീസ് പിടിയില്‍. തൃശൂര്‍, മേലെപുരയ്ക്കല്‍ അഭിജിത്തി(22)നെയാണ് മട്ടന്നൂര്‍ പൊലീസ് അറസ്റ്റു ചെയ്തത്.
മാര്‍ച്ച് 19ന് ചാവശ്ശേരിയിലെ വര്‍ക്ക് ഷോപ്പിനു മുന്നില്‍ നിര്‍ത്തിയിട്ടിരുന്ന സ്‌കൂട്ടര്‍ മോഷ്ടിച്ച കേസിലാണ് അറസ്റ്റ്. പാലക്കാട് റെയില്‍വെ സ്റ്റേഷനില്‍ വച്ചാണ് ഇയാളെ അറസ്റ്റു ചെയ്തതെന്നു പൊലീസ് പറഞ്ഞു.
65 സ്ഥലങ്ങളില്‍ സ്ഥാപിച്ചിട്ടുള്ള സിസിടിവികളിലെ ദൃശ്യങ്ങള്‍ പരിശോധിച്ചാണ് പൊലീസ് മോഷ്ടാവിനെ പിന്തുടര്‍ന്നു പിടികൂടിയത്. മട്ടന്നൂര്‍ പൊലീസ് ഇന്‍സ്‌പെക്ടര്‍ എം. അനിലിന്റെ നേതൃത്വത്തില്‍ എസ്‌ഐ ലിനീഷ്, സിപിഒമാരായ കെ. രതീഷ്, ഷംസീര്‍ അഹമ്മദ് എന്നിവര്‍ ചേര്‍ന്നാണ് മോഷ്ടാവിനെ പിടികൂടിയത്. അറസ്റ്റിലായ അഭിജിത്തിനെതിരെ ഒറ്റപ്പാലം, എറണാകുളം സെന്‍ട്രല്‍ കുന്നത്ത് നാട് പൊലീസ് സ്റ്റേഷനുകളിലായി നിരവധി വാഹന മോഷണ കേസുകള്‍ ഉള്ളതായി പൊലീസ് പറഞ്ഞു.
ബംഗ്ലദേശ് കറൻസിയിൽ നിന്ന് മുജീബുർ റഹ്മാനെ നീക്കി: പകരം ക്ഷേത്രങ്ങളും കൊട്ടാരങ്ങളും
Sunday, 1 June 2025, 22:21
