തിരുവനന്തപുരം: സംസ്ഥാനത്ത് ഉയര്ന്ന താപനില മുന്നറിയിപ്പ് തുടരുന്നു. നാളെ സാധാരണയേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാമെന്നാണ് മുന്നറിയിപ്പ്. പാലക്കാട്, തൃശൂര്, കോഴിക്കോട്, മലപ്പുറം ജില്ലകളില് 37 ഡിഗ്രി സെല്ഷ്യസ് വരെ താപനില ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. വെള്ളിയാഴ്ച പത്ത് ജില്ലകളില് യെല്ലോ അലര്ട്ടുണ്ടായിരുന്നു. നാളെ
കോട്ടയം, പത്തനംതിട്ട, കൊല്ലം, എറണാകുളം, കണ്ണൂര്, കാസര്കോട് ജില്ലകളില് 36 ഡിഗ്രി സെല്ഷ്യസ് വരെ താപനില ഉയരാന് സാധ്യതയുണ്ട്. തിരുവനന്തപുരം, ആലപ്പുഴ ജില്ലകളില് 35 ഡ്രിഗ്രി സെല്ഷ്യസ് വരെയും വയനാട്, ഇടുക്കി ജില്ലകളില് 34 ഡിഗ്രി സെല്ഷ്യസ് വരെയും താപനില ഉയര്ന്നേക്കാം. സംസ്ഥാനത്ത് അള്ട്രാവയല്റ്റ് രശ്മികളുടെ വികിരണതോതും അപകടനിലയിലാണ്. കൊല്ലം, ഇടുക്കി, പത്തനംതിട്ട, ആലപ്പുഴ കോട്ടയം, പാലക്കാട് ജില്ലകളില് ഓറഞ്ച് ലെവലിലാണ് യുവി ഇന്ഡകസ്. പകല്സമയം സൂര്യപ്രകാശം ശരീരത്തില് ഏറെ നേരും നേരിട്ട് ഏല്ക്കാതിരിക്കാന് പൊതുജനം ജാഗ്രത പാലിക്കണം. സൂര്യഘാത, സൂര്യതാപ സാധ്യത സാധ്യത കണക്കിലെടുക്കണമെന്നും മുന്നറിയിപ്പുണ്ട്.
സുരക്ഷാവേലി ഇല്ലാതെ ട്രാന്സ്ഫോമര്; ചെര്ക്കള സ്കൂളിന് സമീപം അപകടഭീഷണി
Friday, 3 July 2026, 11:41
