മംഗ്ളൂരു: പറഞ്ഞത് അനുസരിക്കാത്തതിനെ തുടര്ന്നാണെന്നു പറയുന്നു നാലു വയസ്സുകാരനെ മര്ദ്ദിച്ച് അവശനാക്കുകയും ഇരു കൈകളും തല്ലിയൊടിക്കുകയും ചെയ്തതായി പരാതി. സംഭവത്തില് ഹുന്സൂര്, ബീരനഹള്ളി, ഹനഗോഡു ഹോബ്ലി ഗ്രാമത്തിലെ ആനന്ദ് എന്നയാളെ പൊലീസ് അറസ്റ്റു ചെയ്തു. പ്രതിയുടെ ഭാര്യാ സഹോദരിയുടെ മകനാണ് അക്രമത്തിനു ഇരയായത്. പറഞ്ഞതു കേള്ക്കാത്തതില് പ്രകോപിതനായ പ്രതി സ്ക്രൂഡ്രൈവറും മറ്റും ഉപയോഗിച്ച് അടിക്കുകയായിരുന്നു. രണ്ടു കൈകളും ഒടിഞ്ഞ നിലയില് കുട്ടി ആശുപത്രിയില് ചികിത്സയിലാണ്. അക്രമത്തിനു ശേഷം ഓട്ടോയില് കയറി രക്ഷപ്പെട്ട ആനന്ദയെ ബെലവാഡ എന്ന സ്ഥലത്തു വച്ചാണ് അറസ്റ്റു ചെയ്തതെന്നു പൊലീസ് ഇന്സ്പെക്ടര് മുനിസ്വാമി പറഞ്ഞു.
