കണ്ണൂര്‍: വട്ടിപ്പുറം വെള്ളാനപൊയിലില്‍ മുള്ളന്‍ പന്നിയുടെ ആക്രമണത്തില്‍ വിദ്യാര്‍ഥിക്ക് പരിക്ക്. പ്ലസ്ടു വിദ്യാര്‍ഥിയായ വട്ടിപ്രത്തിനടുത്ത് മാണിക്കോത്ത് വയല്‍ സ്വദേശി മുഹമ്മദ് ശാദിലിനാണ് പരിക്കേറ്റത്. ചൊവ്വാഴ്ച പുലര്‍ച്ചെ പള്ളിയില്‍നിന്ന് പിതാവിനൊപ്പം മടങ്ങുമ്പോഴായിരുന്നു ആക്രമണം. പന്നിയുടെ ആക്രമണത്തില്‍ ഇവര്‍ സഞ്ചരിച്ച സ്‌കൂട്ടര്‍ മറിഞ്ഞിരുന്നു. തുടര്‍ന്നും പന്നി ആക്രമിക്കുകയായിരുന്നു. ശാലിദിന്റെ ശരീരത്തില്‍ പന്ത്രണ്ടോളം മുള്ളുകള്‍ തറച്ചിട്ടുണ്ട്. കൈപ്പത്തിയില്‍ തറച്ച മുള്ള് മറുഭാഗത്ത് എത്തിയിരുന്നു. വിദ്യാര്‍ഥിയെ ശസ്ത്രക്രിയയ്ക്കായി തലശ്ശേരി ജനറല്‍ ആശുപത്രിയിലേക്ക് മാറ്റി.