കാസര്കോട്: ഫുട്ബോള് ടൂര്ണ്ണമെന്റില് വിജയിച്ചതിലെ ആഘോഷം അതിരു വിട്ടു. ഒന്പതു ഡ്രൈവര്മാര്ക്കും കണ്ടാലറിയാവുന്ന 10 പേര്ക്കുമെതിരെ ചന്തേര പൊലീസ് സ്വമേധയാ കേസെടുത്തു. എസ്.ഐ സതീഷ് കെ.പിയുടെ പരാതി പ്രകാരമാണ് ബൈക്ക്, കാര് ഡ്രൈവര്മാരായ 9 പേര്ക്കും മറ്റുള്ളവര്ക്കുമെതിരെ കേസെടുത്തത്. പടന്ന വടക്കേപ്പുറം ഭാഗത്തു നിന്നും ഓരിമുക്ക് ഭാഗത്തേക്ക് വാഹനഗതാഗതം തടസ്സപ്പെടുത്തുന്ന തരത്തില് ഹോണ് മുഴക്കിയും കുട്ടികളെ പോലും കാറുകളുടെ മുകളിലും ബോണറ്റിലും ഇരുത്തി അപകടകരമായ വിധത്തില് വാഹന റാലി നടത്തിയെന്നാണ് കേസ്. സമാന രീതിയിലുള്ള ഒരു കേസ് ഏതാനും ദിവസങ്ങള്ക്കു മുമ്പും ചന്തേര പൊലീസ് രജിസ്റ്റര് ചെയ്തിരുന്നു.
ഇത്തരത്തില് വാഹനറാലി നടത്തുന്നവര്ക്കെതിരെ കര്ശന നടപടി സ്വീകരിക്കുമെന്നും വാഹനങ്ങള് കോടതിയില് ഹാജരാക്കുമെന്നും ഹൊസ്ദുര്ഗ് ഡിവൈ.എസ്.പി ബാബു പെരിങ്ങേത്ത് പറഞ്ഞു.
കാസർകോട് കളക്ടറേറ്റ് ജീവനക്കാരി ആശാലതയുടെ ആത്മഹത്യയിൽ സമഗ്ര അന്വേഷണം വേണം : എൻ ജി ഒ അസോ.
Monday, 10 August 2026, 21:20
