കാസര്‍കോട്: ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന വൊര്‍ക്കാടി സ്വദേശി ബൈക്കപകടത്തില്‍ മരിച്ചു. വൊര്‍ക്കാടി, നല്ലങ്കി സ്വദേശി റോഷന്‍ മോറസ് (34) ആണ് മരിച്ചത്. ബുധനാഴ്ച രാത്രി 11 മണിയോടെ മംഗ്‌ളൂരു, മുടിപ്പൂ, ബോളിയാറിലാണ് അപകടം ഉണ്ടായത്. ഇലക്ട്രീഷ്യനാണ് റോഷന്‍. ഇയാള്‍ ഓടിച്ചിരുന്ന ബൈക്ക് നിയന്ത്രണം തെറ്റി ഡിവൈഡറില്‍ ഇടിച്ചു മറിഞ്ഞാണ് അപകടം. തലയ്ക്കു ഗുരുതരമായി പരിക്കേറ്റ റോഷനെ സമീപത്തെ ആശുപത്രിയില്‍ പ്രഥമ ശുശ്രൂഷ നല്‍കിയ ശേഷം വെന്‍ലോക്ക് ആശുപത്രിയിലേക്ക് മാറ്റി. ചികിത്സയില്‍ കഴിയവെ വ്യാഴാഴ്ച വൈകുന്നേരമാണ് മരണം സംഭവിച്ചത്.
പരേതനായ ഹെന്‍ട്രി മോറസ്-ലില്ലി ഡിസൂസ ദമ്പതികളുടെ മകനാണ്. ഭാര്യ: പ്രമീള ലൂയിസ്. റവീല്‍പേള്‍ മോറസ് ഏക മകളാണ്.