കാസര്കോട്: നീലേശ്വരം അഞ്ഞൂറ്റമ്പലം വീരര്കാവില് കളിയാട്ടത്തിനിടെയുള്ള വെടിക്കെട്ടപകടത്തില് നിരവധിയാളുകള്ക്ക് പരിക്കേറ്റ സംഭവത്തില് മനുഷ്യാവകാശ കമ്മീഷന് സ്വമേധയാ കേസെടുത്ത് അന്വേഷണത്തിന് ഉത്തരവിട്ടു. കാസര്കോട് ജില്ലാ കളക്ടര്ക്കും ജില്ലാ പൊലീസ് മേധാവിക്കുമാണ് കമ്മീഷന് ജുഡീഷ്യല് അംഗം കെ.ബൈജുനാഥ് നിര്ദ്ദേശം നല്കിയത്. 15 ദിവസത്തിനകം അന്വേഷണ റിപ്പോര്ട്ട് സമര്പ്പിക്കണം. കാസര്കോട് ഗവ.ഗസ്റ്റ് ഹൗസില് അടുത്ത് നടക്കുന്ന സിറ്റിംഗില് കേസ് പരിഗണിക്കും. പത്രവാര്ത്തയുടെ അടിസ്ഥാനത്തില് കമ്മീഷന് സ്വമേധയാ രജിസ്റ്റര് ചെയ്ത കേസിലാണ് നടപടി.
ദുരന്തത്തില് 154 പേര്ക്ക് പരിക്കേറ്റു. ഇതില് 10 പേരുടെ നില ഗുരുതരമാണ്. തിങ്കളാഴ്ച രാത്രിയാണ് സംഭവമുണ്ടായത്.
നിർത്തിയിട്ട ലോറിയിൽ ബൈക്കിടിച്ച് തൈക്കടപ്പുറം സ്വദേശിയായ യുവാവ് മരിച്ചു; അപകടം ഐങ്ങോത്ത് ദേശീയപാതയിൽ
Tuesday, 18 August 2026, 22:40
