-പി പി ചെറിയാന്
കൊളറാഡോ: അമേരിക്കന് പൗരന്മാരെ കൊല്ലുന്ന ഏതൊരു കുടിയേറ്റക്കാരനും താന് പ്രസിഡന്റായി തിരഞ്ഞെടുക്കപ്പെട്ടാല് വധശിക്ഷ നല്കുമെന്നു ഡൊണാള്ഡ് ട്രംപ് മുന്നറിയിച്ചു. യു.എസ് പട്ടണങ്ങളും നഗരങ്ങളും ‘കീഴടക്കിയതായി’അവകാശപ്പെടുന്ന അനധികൃത കുടിയേറ്റക്കാരുടെ സംഘങ്ങളെ തകര്ക്കാനുള്ള പദ്ധതികള് വെളിപ്പെടുത്തിയതോടെയാണ് റിപ്പബ്ലിക്കന് പ്രസിഡന്റ് സ്ഥാനാര്ത്ഥി ട്രംപ് ഈ പ്രഖ്യാപനം നടത്തിയത്.
‘ഏതെങ്കിലും ഒരു അമേരിക്കന് പൗരനെയോ നിയമപാലകനെയോ കൊല്ലുന്ന ഏതൊരു കുടിയേറ്റക്കാരനും വധശിക്ഷ നല്കണമെന്ന് ഇതിനാല് ഉറപ്പു ചെയ്യുന്നതായി കൊളറാഡോയിലെ അറോറയില് നടന്ന റാലിയില് ട്രംപ് പറഞ്ഞു.
അക്രമാസക്തമായ വെനസ്വേലന് സംഘമായ ട്രെന് ഡി അരാഗ്വയിലെ അംഗങ്ങള് നഗരത്തെ ഒരു ‘യുദ്ധമേഖലയാക്കി മാറ്റിയതായി മുന് പ്രസിഡന്റ് മുമ്പ് അവകാശപ്പെട്ടിരുന്നു.
‘അക്രമം’ പ്രഖ്യാപിക്കാനും പൗരന്മാരല്ലാത്തവരെ നാടുകടത്താനും പ്രസിഡന്റിനെ അനുവദിക്കുന്ന 1798-ലെ നിയമമായ നിയമവിരുദ്ധ ഏലിയന്സ് ആക്റ്റ് നടപ്പിലാക്കിക്കൊണ്ട് ഈ കാട്ടാള സംഘങ്ങളെ നീക്കം ചെയ്യുന്നത് വേഗത്തിലാക്കുമെന്ന് അദ്ദേഹം തുടര്ന്നു പറഞ്ഞു.
ഇമിഗ്രേഷന് ആന്റ് കസ്റ്റംസ് എന്ഫോഴ്സ്മെന്റ്, ബോര്ഡര് പട്രോളിംഗ്, ഫെഡറല് ലോ എന്ഫോഴ്സ്മെന്റ് ഓഫീസര്മാരുടെ എലൈറ്റ് സ്ക്വാഡുകളെ അയയ്ക്കും. എല്ലാ അനധികൃത കുടിയേറ്റ സംഘാംഗങ്ങളെയും അറസ്റ്റ് ചെയ്തു നാടുകടത്തും-ട്രംപ് പറഞ്ഞു.
പ്രസിഡന്റ് തെരഞ്ഞെടുപ്പില് കമലാ ഹാരിസിനെ തോല്പ്പിക്കുമെന്നു അധികാരത്തില് കയറുന്ന ആദ്യ ദിവസം തന്നെ ”എല്ലാ അനധികൃത കുടിയേറ്റ സംഘാംഗങ്ങളെയും” രാജ്യത്ത് നിന്ന് നാടുകടത്തുമെന്നും ”അതിര്ത്തി മുദ്രവെക്കുമെന്നും” ട്രംപ് അവകാശപ്പെട്ടു. ഹാരിസ് വിജയിച്ചാല് അമേരിക്ക വെനിസ്വേല ഓണ് സ്റ്റിറോയിഡ് ആയി മാറുമെന്നും അദ്ദേഹം കൂട്ടിച്ചേര്ത്തു. വരാനിരിക്കുന്ന തിരഞ്ഞെടുപ്പില് കൊളറാഡോയില് വിജയം അവകാശപ്പെടാന് കുടിയേറ്റ പ്രശ്നം സഹായിക്കുമെന്ന് മുന് പ്രസിഡന്റ് അഭിപ്രായപ്പെട്ടു. 2004ല് ജോര്ജ്ജ് ഡബ്ല്യു. ബുഷിന് ശേഷം സംസ്ഥാനം റിപ്പബ്ലിക്കന് പ്രസിഡന്റ് സ്ഥാനാര്ത്ഥിക്ക് വോട്ട് ചെയ്തിട്ടില്ല. അനധികൃത കുടിയേറ്റത്തില് ട്രംപ് പണ്ടേ കടുത്ത നിലപാടാണ് സ്വീകരിച്ചിരുന്നത്. മനുഷ്യക്കടത്തുകാര്ക്കും മയക്കുമരുന്ന് കടത്തുകാര്ക്കും വധശിക്ഷ നടപ്പാക്കുമെന്ന് ഈ വര്ഷം ആദ്യം അദ്ദേഹം പറഞ്ഞിരുന്നു.
