കാസര്‍കോട്: ഗൃഹപ്രവേശന ചടങ്ങില്‍ പങ്കെടുത്ത ശേഷം വീട്ടില്‍ തിരിച്ചെത്തിയ യുവാവ് കുഴഞ്ഞു വീണു മരിച്ചു. ബേഡകം, കാമലത്തെ കെ.സി കൃഷ്ണന്‍-അമ്മാളു ദമ്പതികളുടെ മകന്‍ കെ.സി മണികണ്ഠന്‍ (45)ആണ് മരിച്ചത്. വെള്ളിയാഴ്ച രാത്രി 11.30 മണിയോടെയായിരുന്നു സംഭവം. കുഴഞ്ഞുവീണ മണികണ്ഠനെ ഉടനെ ബേഡഡുക്ക താലൂക്ക് ആശുപത്രിയയില്‍ എത്തിച്ചുവെങ്കിലും രക്ഷിക്കാനായില്ല. മൃതദേഹം ജനറല്‍ ആശുപത്രി മോര്‍ച്ചറിയിലേക്ക് മാറ്റി. ബേഡകം പൊലീസ് കേസെടുത്തു. സഹോദരങ്ങള്‍: മധുസൂദനന്‍, മിനി.
