കാസര്കോട്: യുവതി ആത്മഹത്യ ചെയ്ത കേസില് അറസ്റ്റിലായ ഭര്ത്താവ് രണ്ടു കൊലക്കേസുകളിലും പ്രതിയെന്ന് പൊലീസ് പറഞ്ഞു. കൊല്ലം സ്വദേശിയായ വിനോദ് എന്ന ഗണേശി (43)നെ കഴിഞ്ഞ ദിവസമാണ് വിദ്യാനഗര് എസ് ഐ വി രാമകൃഷ്ണനും സംഘവും അറസ്റ്റു ചെയ്തത്. വിനോദിന്റെ ഭാര്യ ചെങ്കള, പുലിക്കുണ്ടിലെ ബി പി സിന്ധു(38)വിനെ ആഗസ്റ്റ് ഏഴിനാണ് വീട്ടിനുള്ളില് തൂങ്ങി മരിച്ച നിലയില് കണ്ടെത്തിയത്.
മദ്യപിച്ചെത്തുന്ന വിനോദ് ഭാര്യ സിന്ധുവിനെ നിരന്തരം ഉപദ്രവിച്ചിരുന്നതായി മക്കള് പൊലീസിനു മൊഴി നല്കിയിരുന്നു. തുടര്ന്നാണ് വിനോദിനെ ആത്മഹത്യാപ്രേരണക്കുറ്റം ചുമത്തി പൊലീസ് അറസ്റ്റു ചെയ്തത്. അഞ്ചു വര്ഷം മുമ്പ് കാസര്കോട് നഗരത്തില് നടന്ന ഷാനു കൊലക്കേസിലും പിതാവിനെ കൊലപ്പെടുത്തിയ കേസിലും വിനോദ് പ്രതിയാണെന്നു പൊലീസ് പറഞ്ഞു. ബദിയഡുക്കയിലെ ജ്വല്ലറി കവര്ച്ചാ കേസിലും വിനോദ് പ്രതിയാണെന്നു കൂട്ടിച്ചേര്ത്തു.
ചന്ദ്രഗിരി ശ്രീ ചന്ദ്രശേഖര ക്ഷേത്രം അഷ്ടബന്ധ ബ്രഹ്മകലശ മഹോത്സവം മെയ് 17 മുതല്
Saturday, 25 April 2026, 16:22
