കാസര്‍കോട്: മംഗല്‍പ്പാടി പഞ്ചായത്ത് ഓഫീസില്‍ കവര്‍ച്ച നടന്നതായി സൂചന. ഐല മൈതാനത്തിന് സമീപത്തുള്ള ഓഫീസിന്റെ മൂന്നു വാതിലുകളുടെയും പൂട്ട് തകര്‍ത്ത് വാതില്‍ തുറന്ന നിലയായിരുന്നു. പഞ്ചായത്ത് സെക്രട്ടറി നാരായണ നായ്ക് ഞായറാഴ്ച രാവിലെ ഓഫീസ് തുറക്കാനെത്തിയപ്പോഴാണ് മോഷണ ശ്രമം ശ്രദ്ധയില്‍ പെട്ടത്. സെക്രട്ടറിയുടെ പരാതിയെ തുടര്‍ന്ന് മഞ്ചേശ്വരം പൊലീസ് ഓഫീസിലെത്തി പരിശോധന ആരംഭിച്ചിട്ടുണ്ട്. ഫയലുകളോ, മറ്റു രേഖകളോ നഷ്ടമായിട്ടുണ്ടോയെന്ന് പരിശോധിച്ചുവരികയാണ്.