മുംബൈ: അഗ്നിവീര്‍ പരിശീലനത്തിന് മുംബൈയിലെത്തിയ മലയാളി യുവതിയെ നാവികസേനയുടെ ഹോസ്റ്റലില്‍ മരിച്ചനിലയില്‍ കണ്ടെത്തി.പത്തനംതിട്ട അടൂര്‍ ആനയടി പള്ളിക്കല്‍ അപര്‍ണ വി. നായരെ(20)യാണ് മലാഡ് മല്‍വാണിയിലുള്ള ഐ.എൻ.എസ്. ഹംലയില്‍ തിങ്കളാഴ്ച രാവിലെ തൂങ്ങിമരിച്ചനിലയില്‍ കണ്ടെത്തിയത്.
പ്രാഥമിക പരിശീലനത്തിനുശേഷം 15 ദിവസം മുൻപാണ് മറ്റു പരിശീലനങ്ങള്‍ക്കായി അപര്‍ണ മുംബൈയിലെത്തിയത്. ആത്മഹത്യക്കുറിപ്പൊന്നും കണ്ടെത്തിയിട്ടില്ല. വ്യക്തിപരമായ പ്രശ്നങ്ങളാകാം ജീവനൊടുക്കുന്നതിേലക്ക് നയിച്ചതെന്നാണ് പോലീസ് നിഗമനം. അസ്വാഭാവികമരണത്തിന് കേസ് രജിസ്റ്റര്‍ചെയ്തു. അപര്‍ണയുടെ മുറിയില്‍ താമസിച്ചിരുന്ന പെണ്‍കുട്ടിയാണ് മൃതദേഹം കണ്ടത്. തുടര്‍ന്ന് പോലീസിനെ വിവരമറിയിക്കുകയായിരുന്നു.
അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ട ആള്‍ മരണപ്പെട്ടു
Sunday, 8 June 2025, 15:46
