കാസർകോട്: ചിറ്റാരിക്കലിൽ എട്ടുവയസ്സുകാരിയെ മദ്യംനൽകി ലൈംഗികമായി പീഡിപ്പിച്ച കേസിൽ രണ്ടാനച്ഛനെയും ഇയാളുടെ സഹോദരനെയും പോലീസ്  കസ്റ്റഡിയിൽ എടുത്തു. ചിറ്റാരിക്കൽ പോലീസ് ഇൻസ്പെക്ടർ രഞ്ജിത് രവീന്ദ്രന്റെ നേതൃത്വത്തിലുള്ള അന്വേഷണസംഘമാണ് രണ്ടു പ്രതികളെയും പോക്സോ കേസിൽ കസ്റ്റഡിയിലെടുത്തത്. വീട്ടിൽ ആളില്ലാത്ത സമയത്താണ് രണ്ടാനച്ഛനും ഇയാളുടെ സഹോദരനും എട്ടുവയസ്സുകാരിയെ പീഡിപ്പിച്ചത്. പെൺകുട്ടിക്ക് മദ്യം നൽകിയശേഷമാണ് ഇവർ ക്രൂരത കാട്ടിയെന്നാണ് വിവരം. പ്രതികളെ അറസ്റ്റ് രേഖപ്പെടുത്തി വൈകിട്ടോടെ  കോടതിയിൽ ഹാജരാക്കും.