വീണ്ടും ജോലി തേടി സൗദിയിലെത്തിയ ആള് താമസസ്ഥലത്ത് മരിച്ച നിലയില്
റിയാദ്: പുതിയ വിസയില് സൗദി അറേബ്യയിലെത്തിയ മലപ്പുറം എടക്കര മില്ലും പടിയിലെ തെക്കുപാടം ജംഷീലില് എന്ന കുഞ്ഞാപ്പു(42)വിനെ താമസസ്ഥലത്തു മരിച്ച നിലയില് കണ്ടെത്തി. കോവിഡ് കാലത്ത് പ്രവാസ ജീവിതം അവസാനിപ്പിച്ചു നാട്ടിലേക്കു ജംഷീല് മടങ്ങിയിരുന്നു. ഇപ്പോള് പുതിയ വിസയില് വീണ്ടും ജോലി തേടി സൗദിയിലെത്തുകയായിരുന്നു. റൂമിനു പുറത്തു കാണാതിരുന്നതിനെ തുടര്ന്നു സുഹൃത്തുക്കള് നടത്തിയ അന്വേഷണത്തിലാണ് മുറിയില് മരിച്ച നിലയില് കണ്ടെത്തിയത്. റിദ പര്വീന് ആണ് ഭാര്യ. നാലു മക്കളുണ്ട്. മൃതദേഹം നാട്ടിലെത്തിക്കുന്നതിനുള്ള നടപടികള് സാമൂഹ്യപ്രവര്ത്തകര് ആരംഭിച്ചിട്ടുണ്ട്.
