Author: WEB EDITOR

കാസര്‍കോട്: ചട്ടഞ്ചാലിലെ പൗരപ്രമുഖന്‍ ബാലനടുക്കയിലെ സയ്യിദ് മുല്ലക്കോയ തങ്ങള്‍ (79) അന്തരിച്ചു.ഭാര്യമാര്‍: ഖദീജ, പരേതയായ സുഹ്‌റ. മക്കള്‍: സയ്യിദ് ഇസ്മായില്‍ തങ്ങള്‍, സയ്യിദ് ശിഹാബ് തങ്ങള്‍, ഖദീജ, ആയിഷ, ബുഷ്‌റ, മിസ്‌രിയ, റഹ്‌യാന, ശംസുദ്ദീന്‍. മരുമക്കള്‍: അബ്ദുല്‍ റഹ്‌മാന്‍ വടകര, ഹനീഫ് പള്ളത്തുങ്കാല്‍, മുസ്തഫ ആരിക്കാടി, മുബാറക്, അബ്ദുല്ല, സുബൈദ, അസ്മ, റംല. സഹോദരങ്ങള്‍: സയ്യിദ് മുഹമ്മദ് ഇമ്പിച്ചി തങ്ങള്‍, സയ്യിദ് സൈനുദ്ദീന്‍ തങ്ങള്‍, പരേതരായ ജമാലുദ്ദീന്‍ തങ്ങള്‍, നൂറുദ്ദീന്‍ തങ്ങള്‍.

കാസര്‍കോട്: ബേക്കല്‍ പൊലീസ് സ്റ്റേഷന്‍ പരിധിയിലെ ചിത്താരി ചേറ്റുകുണ്ടില്‍ യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി. ബുധനാഴ്ച പുലര്‍ച്ചെ കണ്ണൂര്‍ ഭാഗത്തേക്ക് പോയ ട്രെയിനിന്റെ ലോക്കോ പൈലറ്റ് വിവരം അറിയിച്ചതിനെ തുടര്‍ന്ന് പൊലീസ് സ്ഥലത്തെത്തി തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല. കനത്ത ഇരുട്ടും കുറ്റിക്കാടുകള്‍ നിറഞ്ഞ പ്രദേശവുമായതിനാലാണ് തെരച്ചില്‍ ദുഷ്‌ക്കരമായത്. ബുധനാഴ്ച രാവിലെ നടത്തിയ തെരച്ചിലിലാണ് മൃതദേഹം കണ്ടെത്തിയത്. ആളെ തിരിച്ചറിഞ്ഞിട്ടില്ല. ജീന്‍സ് പാന്റ്‌സും ടീ ഷര്‍ട്ടുമാണ് വേഷം. ബേക്കല്‍ പൊലീസ് അന്വേഷണം തുടങ്ങി.

കാസര്‍കോട്: പനി മൂര്‍ച്ഛിച്ച് മംഗ്‌ളൂരുവിലെ ആശുപത്രിയില്‍ ചികിത്സയിലായിരുന്ന യുവാവ് മരിച്ചു. മഞ്ചേശ്വരം, കുഞ്ചത്തൂര്‍, ഉദ്യാവറിലെ ഉമ്മര്‍ ഫാറൂഖ് (26)ആണ് ചൊവ്വാഴ്ച രാത്രി മരിച്ചത്. ശനിയാഴ്ചയാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചത്. മുഹമ്മദ് ഫാറൂഖ് വര്‍ഷങ്ങളായി ഹൊസങ്കടിയിലെ മട്ടന്‍ സ്റ്റാളില്‍ ജീവനക്കാരനായി ജോലി ചെയ്തു വരികയായിരുന്നു. മുഹമ്മദ്-ബീഫാത്തിമ ദമ്പതികളുടെ മകനാണ്. സഹോദരങ്ങള്‍: ഹാസിര്‍, ഹസന്‍, ഹസീന.

കാസര്‍കോട്: നീര്‍ച്ചാല്‍, ബേള കുമാരമംഗലം ലൈഫ് കോളനിയിലെ ചിമ്മിനടുക്ക നാരായണ മുഖാരി (69) കുഴഞ്ഞു വീണു മരിച്ചു. കഴിഞ്ഞ ദിവസം പുലര്‍ച്ചെയാണ് സംഭവം. ഉടന്‍ കുമ്പള ജില്ലാ സഹകരണ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല.ഭാര്യ: ജലജ. മക്കള്‍: പ്രവീണ്‍ കുമാര്‍, നവീവ കുമാരി, ദുര്‍ഗ പരമേശ്വരി, അന്നപൂര്‍ണ്ണേശ്വരി, രാജേശ്വരി, സൗപര്‍ണിക. മരുമക്കള്‍: രഞ്ജിത, അനുഗ്രഹ് (കണ്ണപുരം), സന്തോഷ്, പ്രിജേഷ്, പരേതനായ നിജീഷ്. സഹോദരങ്ങള്‍: ഭാഗീരഥി, പാര്‍വ്വതി, വാരിജ, പരേതരായ പരമേശ്വരി, സുബ്ബി.