Author: WEB EDITOR

കാസര്‍കോട്: മൊഗ്രാല്‍ ദേശീയപാതയില്‍ സര്‍വ്വീസ് റോഡില്‍ ഉണ്ടായ അപകടത്തില്‍ സ്‌കൂട്ടര്‍ യാത്രക്കാരന് ദാരുണാന്ത്യം. മൊഗ്രാല്‍പുത്തൂര്‍, കല്ലങ്കൈ, ബള്ളൂര്‍ ഐശ്വര്യ നിലയത്തിലെ ദിനേശ് ചന്ദ്ര (55)യാണ് മരിച്ചത്. തിങ്കളാഴ്ച 11 മണിയോടെയാണ് അപകടം. കാസര്‍കോട് ഭാഗത്ത് നിന്ന് കുമ്പള ഭാഗത്തേക്ക് പോവുകയായിരുന്നു സ്‌കൂട്ടര്‍. മൊഗ്രാലില്‍ എത്തിയപ്പോള്‍ സര്‍വ്വീസ് റോഡിലെ ഓവുചാലിന്റെ തിട്ടയില്‍ തട്ടി മറിഞ്ഞാണ് അപകടം. റോഡിലേക്ക് തെറിച്ചു വീണ ദിനേശ് ചന്ദ്രയുടെ ദേഹത്തിലൂടെ പിറകില്‍ നിന്നും എത്തിയ ലോറി കയറിയിറങ്ങുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.മൊഗ്രാല്‍ ദേശീയ പാതയിലെ സര്‍വ്വീസ് …

Read more “മൊഗ്രാല്‍ ദേശീയപാത സര്‍വ്വീസ് റോഡില്‍ വീണ്ടും അപകടം; സ്‌കൂട്ടര്‍ യാത്രക്കാരനു ദാരുണാന്ത്യം”

കാസര്‍കോട്: അയോധ്യയില്‍ നിന്നു ശബരിമലയിലേക്കുള്ള കാല്‍നട തീര്‍ത്ഥയാത്രക്കിടയില്‍ കഴിഞ്ഞ ദിവസം മധ്യപ്രദേശില്‍ നെഞ്ചുവേദനയെത്തുടര്‍ന്ന് അന്തരിച്ച അയ്യപ്പഭക്തന്‍ കൂട്‌ലു, പച്ചക്കാട്ടെ ശിവപ്രസാദിന്റെ മൃതദേഹം വെള്ളിയാഴ്ച രാവിലെ പാറക്കട്ട ശ്മശാനത്തില്‍ സംസ്‌കരിച്ചു.വ്യാഴാഴ്ച രാത്രി കാസര്‍കോട്ടെത്തിച്ച മൃതദേഹം വെള്ളിയാഴ്ച രാവിലെ കൂട്‌ലു ശിവകൃഷ്ണ ഫ്രണ്ട്‌സ് ക്ലബ്ബില്‍ പൊതുദര്‍ശനത്തിനു വച്ചു. മികച്ച പാചകവിദഗ്ധനും സൗമ്യനും എല്ലാവരുടെയും സൗഹൃദത്തിനുടമയുമായ ശിവപ്രസാദിനെ അവസാന നോക്കു കാണാന്‍ ബന്ധുക്കളും സുഹൃത്തുക്കളും നാട്ടുകാരും എത്തിയിരുന്നു. പിന്നീട് മൃതദേഹം കൂട്‌ലു പച്ചക്കാട്ടെ വീട്ടിലെത്തിച്ചു. അന്ത്യകര്‍മ്മങ്ങള്‍ക്കു ശേഷം പാറക്കട്ട ശ്മശാനത്തില്‍ സംസ്‌കരിക്കുകയായിരുന്നു.