കുമ്പളയിലെ ടോള്‍ ബൂത്ത്; വീണ്ടും പ്രവൃത്തി ആരംഭിക്കാനുള്ള നീക്കം ആക്ഷന്‍ കമ്മിറ്റി തടഞ്ഞു
കാസര്‍കോട്: കുമ്പളയില്‍ നിര്‍ത്തിവച്ച ടോള്‍ ബൂത്ത് നിര്‍മാണ പ്രവൃത്തി വീണ്ടും ആരംഭിക്കാനുള്ള നീക്കം ആക്ഷന്‍ കമ്മിറ്റി തടഞ്ഞു. വെള്ളിയാഴ്ച ഉച്ചയോടെയാണ് ടോള്‍ ബൂത്ത് സ്ഥലത്ത് തൊഴിലാളികള്‍ എത്തിയത്. ഇതറിഞ്ഞ ആക്ഷന്‍ കമ്മിറ്റി പ്രവര്‍ത്തകര്‍ സംഘടിച്ച് സ്ഥലത്തെത്തി. പ്രവൃത്തി അവസാനിപ്പിക്കാന്‍ തൊഴിലാളികളോട് ആവശ്യപ്പെട്ടു. മുഖ്യമന്ത്രി പിണറായി വിജയനെയും കേന്ദ്ര ഉപരിതല ഗതാഗതമന്ത്രി നിതിന്‍ ഗഡ്കരിയെയും കാണുന്നതുവരെ നിര്‍മാണം നിര്‍ത്തിവക്കാന്‍ കാസര്‍കോട് കളക്ടറേറ്റില്‍ ചേര്‍ന്ന യോഗത്തില്‍ തീരുമാനിച്ചിരുന്നു. കളക്ടറുടെ ഈ തീരുമാനത്തിന് വിരുദ്ധമായാണ് ദേശീയപാതാ അധികൃതര്‍ വീണ്ടും നിര്‍മാണവുമായി മുന്നോട്ട് …
