കണ്ണൂര്: ‘ഞാന് മാട്ടൂല് ജോസ്, ഞാനാണ് ഇവിടെ കട്ടത്’ അടിയില് ഒരു ശരി ചിഹ്നവും…ചെറുകുന്ന് പള്ളക്കരയിലെ എഡിഎല്പി സ്കൂളില് കയറി കോഴിമുട്ടയും പണവും കുട്ടികളുടെ സമ്പാദ്യക്കുടുക്കകളും കവര്ന്ന കള്ളന് മേശപ്പുറത്തിരുന്ന ഡയറിയിലാണ് ഇങ്ങനെ കുറിപ്പെഴുതി വച്ചത്. കഴിഞ്ഞ ദിവസം രാവിലെയാണ് സ്കൂളില് മോഷണം നടന്നതായി അധികൃതര് അറിയുന്നത്. കുട്ടികള്ക്ക് പാചകം ചെയ്തു നല്കാനായി കൊണ്ടുവന്ന 60 മുട്ടയില് നിന്നും 40 മുട്ട, ഡയറിയില് സൂക്ഷിച്ച 1800 രൂപ, വിദ്യാര്ഥികളുടെ 2 സമ്പാദ്യക്കുടുക്ക എന്നിവയാണ് കള്ളന് കൊണ്ടു പോയത്. സാധനങ്ങളും വാരിവലിച്ചിട്ടാണ് മോഷണം നടത്തിയത്. സ്കൂളിലെ പ്രധാനാധ്യാപിക പി.ജെ.രേഖ ജെയ്സിയുടെ പരാതിയെത്തുടര്ന്ന് കണ്ണപുരം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.