കണ്ണൂര്‍: കര്‍ണാടകയിലുണ്ടായ വാഹനാപകടത്തില്‍ പരിക്കേറ്റ് ചികിത്സയിലായിരുന്ന കൂത്തുപറമ്പ് വേങ്ങാട് സ്വദേശിയായ യുവാവ് മരിച്ചു. വേങ്ങാട്ടെ വട്ടോളി ഷൈജയുടെ മകന്‍ ആറാം മൈലിന് സമീപം കോങ്ങാറ്റ സരസ്വതി വിലാസം സ്‌കൂളിനടുത്ത കൃഷ്ണശ്രീയില്‍ കാക്കര അനുഗ്രഹ്(25) ആണ് മരിച്ചത്. പൂനെയില്‍ സ്വകാര്യ കമ്പനിയില്‍ ഉദ്യോഗസ്ഥനായ അനുഗ്രഹ് കാറില്‍ നാട്ടിലേക്ക് വരുമ്പോള്‍ ഷിമോഗയില്‍ വച്ച്
കാറും കര്‍ണാടക ട്രാന്‍സ്പോര്‍ട്ട് ബസ്സും കൂട്ടിയിടിച്ചുള്ള അപകടത്തിലാണ് പരിക്കേറ്റത്. മംഗളുരു സ്വകാര്യ ആശുപത്രിയില്‍ ചികിത്സയിലിരിക്കെയാണ് വെളളിയാഴ്ച്ച വൈകുന്നേരം മരിച്ചത്. സംസ്‌കാരം ശനിയാഴ്ച രാവിലെ 10ന് വീട്ടുവളപ്പില്‍ നടക്കും. കൂത്തുപറമ്പ് സമൃദ്ധി കാര്‍ഷികോല്‍പാദന വിപണന സംഘത്തിലെ തൊഴിലാളിയായ കാക്കര ശശിയുടെ മകനാണ്. സഹോദരി അഭിന.
അന്നു നൊന്തു പ്രസവിച്ച കുഞ്ഞിനെ സ്കൂള് വരാന്തയില് ഉപേക്ഷിച്ചു; മനസ്സലിഞ്ഞതോടെ കുഞ്ഞിനെ തനിക്കു വേണമെന്ന് യുവതി
Wednesday, 17 July 2024, 10:52
