ലണ്ടന്: യുകെയില് ഡ്രൈവിങ് ലൈസന്സില്ലാതെ മലയാളി യുവതി ഓടിച്ച കാര് അപകടത്തില്പ്പെട്ട് സ്വദേശി വനിത മരിച്ചു. അപകടത്തില് വാഹനമോടിച്ച തിരുവനന്തപുരം സ്വദേശിനിയായ യുവതിക്ക് പരിക്കേറ്റു. ഇവര് ആശുപത്രിയില് ചികിത്സയിലാണ്. ഇംഗ്ലണ്ട് ഗ്ലോസ്റ്ററില് കഴിഞ്ഞദിവസമാണ് സംഭവം. യുവതി ഓടിച്ച കാര് മറ്റൊരു കാറുമായി കൂട്ടിയിടിച്ചാണ് അപകടം.
ഗ്ലോസ്റ്ററിലെ പ്രമുഖ കെയര്ഹോമിലെ ജീവനക്കാരിയാണ് മലയാളി യുവതി. ലൈസന്സ് ഇല്ലാതെ വാഹനം ഓടിച്ച് അപകടമുണ്ടാക്കിയതിന് ഇവര്ക്കെതിരെ പൊലീസ് കേസ് എടുത്ത് അന്വേഷണം ആരംഭിച്ചിട്ടുണ്ട്. പരിക്കേറ്റ് ചികിത്സയില് ആയതിനാല് അറസ്റ്റ് നടപടികള് വൈകുമെന്ന് പൊലീസ് പറഞ്ഞു.
