മടിക്കേരി :കുടകിലെ തടിയന്റെ മോൾ മലയിൽ ട്രക്കിങ്ങിനു പോയി കാണാതായ കോഴിക്കോട് നാദാപുരം സ്വദേശിനി ശരണ്യയെ നാലാം ദിവസമായ ഇന്ന് മല അടിവാരത്തു കണ്ടെത്തി. ശരണ്യയെ കണ്ടെത്താൻ സഹായിക്കണമെന്ന് കേരള മുഖ്യമന്ത്രി കർണാടക മുഖ്യമന്ത്രിയോട് അഭ്യർത്ഥിച്ചിരുന്നു. കർണാടക വനംമന്ത്രിയുടെ പ്രത്യേക മേൽനോട്ടത്തിൽ60 അംഗ വനംവകുപ്പ് ഉദ്യോഗസ്ഥന്മാർ നാലു സംഘമായി തിരച്ചിൽ നടത്തുകയായിരുന്നു. ഡ്രോൺ ,തെർമൽ സ്കാനർ ,ഡോഗ് സ്കോഡ് എന്നിവയുടെ സഹായത്തോടെ ആയിരുന്നു പരിശോധന. വഴിതെറ്റിയതിനെ തുടർന്നാണ് തിരിച്ചെത്താൻ വൈകിയതെന്ന് പറയുന്നു .ശരണ്യയെ വിരാജ് പേട്ട് ആശുപത്രിയിലെ ത്തിച്ചു . ആരോഗ്യനില തൃപ്തികരമാണെന്നു അധികൃതർ പറഞ്ഞു.