മലപ്പുറം: പ്രശസ്ത ചിത്രകാരന് ശേഖര് അയ്യന്തോളിനെ (71) തൂങ്ങിമരിച്ച നിലയില് കണ്ടെത്തി. എടപ്പാള്-കുറ്റിപ്പുറം റോഡിലെ സ്വന്തം സ്ഥാപനമായ ജെഡി ഡിജിറ്റല് ആര്ട്ട് ഗാലറിയിലാണ് മൃതദേഹം കണ്ടെത്തിയത്.
കുമരനല്ലൂര് ഗവ. ഹയര്സെക്കന്ഡറി സ്കൂളില് ചിത്രകലാ അധ്യാപകനായിരുന്നു. തൃശ്ശൂരിലെ അയ്യന്തോളില് 1954ല് ജനിച്ച അദ്ദേഹം ഗവ. ഒക്യുപേഷണല് ഇന്സ്റ്റിറ്റ്യൂട്ട് എന്ന ഇന്നത്തെ കോളേജ് ഓഫ് ഫൈന് ആര്ട്സില് നിന്ന് ഡ്രോയിങ്ങിലും പെയിന്റിങ്ങിലും ഡിപ്ലോമ നേടി. ആര്ട്ട് ഇന്സ്ട്രക്ടറായും പ്രവര്ത്തിച്ചിട്ടുണ്ട്. അഞ്ചുപതിറ്റാണ്ടായി കേരളത്തിലെ ചിത്രകലാമേഖലയില് നിറഞ്ഞുനില്ക്കുന്ന വ്യക്തിത്വമാണ് ശേഖര് അയ്യന്തോള്. കേരള ചിത്രകലാപരിഷത്തിന്റെ പ്രസിഡന്റ്, ജനറല് സെക്രട്ടറി എന്നീ നിലകളില് പ്രവര്ത്തിച്ചിട്ടുണ്ട്.
ഭാര്യ: പി.കെ. ഓമന (റിട്ട. പ്രഥമാധ്യാപിക, ജി.എച്ച്.എസ്.എസ്. കുമരനെല്ലൂര്, പാലക്കാട്). മക്കള്: ജിനന് ശേഖര്, ധനന് ശേഖര്.
