കുമ്പള : ദേശീയ പാതയിലെ കുമ്പള ടോൾ ബൂത്തിൽ വൈകിട്ടു ടോൾ പിരിവ് ആരംഭിച്ചതോടെ ഉടലെടുത്ത ട്രാഫിക് ക് തടസ്സത്തിനും വാഹനത്തിരക്കിനുമിടയിൽ ടോൾ ബൂത്തിൽ നിറുത്തിയിട്ട കാർ എടുത്തു മാറ്റുന്നത് സംബന്ധിച്ച് ഉണ്ടായ വാക്കേറ്റം അൽപനേരത്തേക്കു സംഘർഷാവസ്ഥ സൃഷ്ടിച്ചു. ടോൾ ബൂത്തിൽ വാഹനങ്ങൾ തടഞ്ഞുനിറുത്തു ന്നതിന് സ്ഥാപിച്ച ഹാൻഡിൽ കാറിലടിച്ചു കാറിനു കേടുപാടുണ്ടായെന്നും അത് ശരിയാക്കി ക്കൊടുക്കാതെ കാർ മാറ്റില്ലെന്നും വാശിപിടിച്ച ഡ്രൈവറെ കാറിൽ നിന്നു പുറത്താക്കാനും കാർ മാറ്റാനും പോലീസിന് നന്നേ പാടുപെടേണ്ടി വന്നു. അൽപ്പ നേരത്തെ വാക്കേറ്റത്തിനും ബല പ്രയാഗത്തിനുമൊടുവിൽ ഡ്രൈവറെ പൊലീസ് കാറിൽ നിന്നു പുറത്താക്കി. ഇയാളെ പിന്നീട് സ്റ്റേഷനിലേക്കു കൊണ്ടു പോയി. തുടർന്നു കാർ ടോൾ ബൂത്തിൽ നിന്നു എടുത്തു മാറ്റുകയും ചെയ്തു. ഇതിനിടയിൽ റോസ് തടസ്സം കൊണ്ടു ഹോൺ മുഴക്കിക്കൊണ്ടിരുന്ന മറ്റു വാഹനങ്ങളെ സമാധാനിപ്പിച്ചു പൊലീസ് ഗതാഗതം സാധാരണ നിലയിലാക്കാൻ അൽപ്പം പ്രയാസപ്പെട്ടു. ടോൾ ബൂത്തിൽ കാർ നിരത്തിയിട്ടാൽ വാഹനക്കുരുക്കു ദുസ്സഹമാവുമെന്നും അതിനാൽ കാർമാറ്റിയ ശേഷം പ്രശ്നം സംസാരിച്ചു പരിഹരിക്കാമെന്നുമുള്ള നിർദ്ദേശം കാർ ഓടിച്ചിരുന്ന ആൾ നിരസിക്കുകയായിരുന്നെന്നു പറയുന്നു. ആളുകൾ ചുറ്റും കൂടിയെങ്കിലും എല്ലാവരും നോക്കിനിൽക്കുകയായിരുന്നു.